Iturburu kode

Wikipedia(e)tik
Hona jo: nabigazioa, Bilatu
Java iturburu kodearen ilustrazioa.

Iturburu kodea programa bat ordenagailu bati zerbait konkretua egin dezan ematen zaion agindu multzo bat da. Programa bat garatzeko programazio lengoaia bat erabiltzen da, ordenagailuak ordea hizkuntza bakarra ulertzen du: berea. Eta horren bestez lengoaia horretan baino ezin diogu “hitz egin”. Lengoaia hau makina-lengoaia izenaz ere ezagutzen da (edo kode bitarra) eta 1 eta 0-z osaturiko segida bat da.

Hau ordea oso zaila da ulertzeko eta programazio lana errazteko programazio hizkuntzak asmatu ziren. Hizkuntza hauek hizkuntza naturalarekiko antzekotasun handia daukate baina egitura berezidun hitz berezi batzuk darabilte.

Programazio hizkuntza batean idatzita dauden ordenagailuarentzako agindu guzti hauek osatzen dute iturburu kodea. Behin programa baten iturburu kodea idatzita konpilazioa izeneko prozesu bat pasa behar izaten du, prozesu honetan iturburu kodea idatzita dagoen programazio-lengoaiatik makina lengoaiara itzultzen da.

Makina lengoaiaz idatzitako fitxategi berri hau fitxategi bitarra edo exekutagarria izenez ezagutzen da, hau da programa bera. Behin programaren exekutagarria (edo fitxategi bitarra) sortu denean programa hori erabilgarria izango da, baina ezingo da exekutagarritik abiatuta berriro iturburu kodea eskuratu esaterako beste programatzaile batek programa nola eginda dagoen ikusteko.

Ikus, gainera[aldatu | aldatu iturburu kodea]

Commonsen badira fitxategi gehiago, gai hau dutenak: Iturburu kode Aldatu lotura Wikidatan