Ivica Račan

Wikipedia(e)tik
Hona jo: nabigazioa, Bilatu
Ivica Račan

Ivica Račan (1944ko otsailaren 24a - 2007ko apirilaren 29a) ezkerreko politikari kroaziarra eta herrialdeko Lehen Ministroa (2000 - 2003) izandakoa.

Nazien jazarpenak ondorio zuzena izan zuen Račan umearengan; amaren sabelean zegoenetik. Ama, haurdun, kontzentrazio esparru batean zegoen, eta handik ateratzea lortu zuen Alemaniako emakume batek neskametzat hartu zuelako; horregatik zen Racan, sortzez, Alemaniakoa. II. Mundu Gerra amaitu ostean, orduko Jugoslaviara itzuli zen familia, egungo Kroaziara.

Arauak apurtu zaletzat zuen bere burua. Eragile izan zen Ivan Racan Kroaziako historian, baina politikaren alorrean. Aktore ikasketak egiteko ahaleginetan kale egin ostean, 1960ko hamarkadan Zuzenbidea ikasten hasi zen, eta 1967. urtean, karrera amaituta, Komunisten Ligan karguak hartzen hasi zen. Komunismoko urterik itxienen ostean, 1990ean, lehen hauteskunde demokratikoen bultzatzailea izan zen, eta 2000-2003 epean lehen ministro kargua bete zuen, koalizio demokratiko baten buru. Franjo Tudjman buruzagi nazionalistaren agintaldiaren ostean, aldaketak eragin nahi izan zituen Racanek Kroazian; buruzagi ez nazionalista izan zen, europazale sutsua, eta sozial-demokrata.

Urrats erabakigarria gauzatu zuen 1989. urtean Serbiako buruzagi komunista Slobodan Milosevici aurre egin, eta Jugoslaviako Komunisten Ligarekin harremanak eten zituenean; Kroazian lehen aldiz boz demokratikoak egitea ahalbidetu zuen horrek, nazionalistak gailentzea, eta 1991n Kroazia herrialde independente bihurtzea.

Egun, oposizioko burua zen Račan. 2004an Kroazian egin ziren bozetara aurkeztu zen, baina ez zuen irabazi, eta lehen ministro kargua utzi behar izan zuen. Kroaziako Batasun Demokratikoa (HDZ) alderdi nazionalistak hartu zuen, berriro ere, Kroaziako buruzagitza. Minbizi batek abailduta hil zen.

Commonsen badira fitxategi gehiago, gai hau dutenak: Ivica Račan Aldatu lotura Wikidatan