Jesús Ferrero
Jesús Ferrero (Zamora, Espainia, 1952 -) espainiar eleberrigilea da.
[aldatu] Biografia
Antzinako historia ikasi zuen Parisen, eta Grezia klasikoan espezializatu zen. Parisko ikasketak ordaindu ahal izateko gauez atezain gisa lan egin zuen hotel batean, eta garai horretan idatzi zuen lehen nobela, Bélver Yin (1981). Ekialde Urrunean girotutako lan horrekin Bartzelonako Hiria saria lortu zuen 1982an.
Ferreroren beste lan batzuk: Opium (1986), Lady Pepa (1988), Débora Blenn (1988), El Efecto Doppler (1990, Plaza Janésen nazioarteko eleberri onenaren saria), Alis el Salvaje (1991), El secreto de los dioses (1993), Amador o la narración de un hombre afortunado (1996), El último banquete (1998, Azorín saria), Zirze piernas largas (2002), Las Trece Rosas (2003), Ángeles del abismo (2005), Las fuentes del Pacífico (2005), Las experiencias del deseo. Eros y misos (2009, Anagrama saria), Balada de las noches bravas (2010).
Pedro Almodóvarren Matador (1986) filmeko gidoia idatzi zuen.
[aldatu] Kanpo loturak
- (Gaztelaniaz) Jesús Ferrero clubcultura.com webgunean
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
