João Gilberto
João Gilberto —jaiotza-izena: Prado Pereira de Oliveira— (Juazairo, Brasil, 1931) musikagilea da. 1950eko hamarraldiaren hasieran Atlántida kafetegiaren inguruan bildu zen musikagile-taldeko kideetako bat izan zen, eta gaur egun bera da Brasilgo musikagintzako egile nagusietako bat. João Gilberto da Brasilgo sanba-erritmoak eta jazza bateratzen dituen bossa-nova musikaren sortzaileetako bat, Antonio Carlos Jobimekin batera, eta sanba eta bossa-nova ezagunenen egilea da.
1959. urtean eman zuen argitara bere lehenengo diskoa, Chega de Saudade. 1964an, berriz, Brasilgo musikan berebiziko eragina izan duen disko baten grabazioan parte hartu zuen Stan Getz saxofoi-jotzailearekin, Antonio Carlos Jobim musikagilearekin eta garai hartan emazte zuen Astrud Gilberto abeslariarekin. Disko hartan Brasilgo hainbat abesti ezagun bildu zituzten, besteak beste "Corcovado", "A garota de Ipanema" ("Ipanemako neskatxa", mundu osoan ospetsu bihurtu dena) eta "Desafinado", eta sekulako arrakasta izan zuen: Estatu Batuetan gehien saldu zen diskoetako bat izan zen, eta sei Grammy sari lortu zituen. Harrezkero hainbat disko grabatu ditu João Gilbertok.
[aldatu] Diskografia
- 1951: Quando Você Recordar/Amar é Bom
- 1951: Anjo Crue/Sem Elal
- 1952: Quando Ela Sai/Meia Luz
- 1958: Chega de Saudade/Bim Bom
- 1958: Desafinado/Hô-bá-lá-lá
- 1959: Chega de Saudade
- 1960: O Amor, o Sorriso e a Flor
- 1961: João Gilberto
- 1961: Brazil's Brilliant João Gilberto
- 1962: João Gilberto Cantando as Musicás do Filme Orfeo do Carnaval
- 1962: Boss of Bossa Nova
- 1962: Bossa Nova at Carnegie Hall
- 1963: The Warm World of João Gilberto
- 1964: Getz/Gilberto
- 1965: Herbie Mann & João Gilberto with Antonio Carlos Jobim
- 1966: Getz/Gilberto Vol. 2
- 1970: João Gilberto en Mexico
- 1973: João Gilberto
- 1976: The Best of Two Worlds
- 1977: Amoroso
- 1977: Gilberto and Jobim
- 1980: João Gilberto Prado Pereira de Oliveira
- 1981: Brasil
- 1985: Interpreta Tom Jobim
- 1985: Meditação
- 1986: Live in Montreux
- 1987: Live in Montreux
- 1988: O Mito
- 1990: Stan Getz meets João & Astrud Gilberto
- 1991: João
- 1994: Eu Sei que Vou Te Amar
- 2000: João Voz e Violão
- 2002: Live at Umbria Jazz
- 2004: In Tokyo
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
