Katalan Herrietako Ikasleen Sindikatua

Sindicat d´Estudiants dels Països Catalans (SEPC)
Sorrera	2006ko maiatzaren 1a
Ideologia politikoa	Independentismoa, Sozialismoa, Feminismoa, Katalanzaletasuna
http://www.sepc.cat/

Katalan Herrietako Ikasleen Sindikatua (katalanez eta jatorrizko izenaz: Sindicat d´Estudiants del Països Catalans edo SEPC) Katalan Herrietako ezker independentistako ikasle antolakundea da, 2006. urtean sortua.

Bere sorreratik «Ezkerreko ikuspegi batetik Katalan Herri guztietarako hezkuntza eredu propioa» eraikitzea du helburu eta horrekin batera «kalitatezko herri hezkuntza publikoa, katalana eta antipatriarkala» aldarrikatzen du.

Bere ekintza eta jarrera iraultzaileengatik, SEPC-ko hainbat kide legearen indarrez mehatxatu, atxilotu, zentsuratu, isundu eta unibertsitatetik kanporatu dituzte urteetan zehar.

Ezker independentistako parte organikoa den heinean jarduera politiko estrategikoa lantzen du ezker independentistako beste gazte antolakundearekin batera, Arran antolakundearekin.

Sorrera

Sindikatu hau 2006. urtean sortu zen Alternativa ESTELek eta Katalan Herrietako Ikasleen Kordinakundeak elkar batzeko hasi zuten prozesua amaitutzat eman zutenean, indar metaketa helburu zuen prozesu hori amaitzearekin batera sortu zen Katalan Herrietako Ikasleen Sindikatu berri eta indarberritua.

Ideologia politikoa

Ikasle antolakunde independentista, sozialista, feminista, katalana, ekologista, antifaxista eta internazionalista da, ezker independentista mugimendu soziopolitikoaren parte delarik.

Nazioarteko aliatuak

Oso harreman estuak ditu estatu espainiarraren mende dauden beste bi nazio zapalduetako ikasle antolakunde independentista, sozialista eta feministekin, besteak beste, Ikasle Abertzaleekin (Euskal Herria) eta Erguer - Estudantes da Galizarekin (Galizia).

Kanpo estekak

• (Katalanez) - Katalan Herrietako Ikasleen Sindikatuaren webgunea

• Datuak: Q9077702
• Multimedia: Student Union of the Catalan Countries / Q9077702