Kutxabank dorrea

BBK dorrea
Kokapena
Herrialdea	Euskal Herria
Probintzia	Bizkaia
Herria	Bilbo
Koordenatuak	43°15′59″N 2°57′15″W

Kutxabank dorrea edo BBK dorrea Bilboko Zorrotzaurre garapen gune berrian eraikitzea aurreikusten zen bulego etxe orratza izango zen. Eraikina Zaha Hadid arkitektoak diseinatu zuen 2011n eta 104 metro eta 22 solairu izango zituen. 2016an, dorrea egiteko proiektua bertan behera geratu zen.

Ezaugarriak

2007ko irailaren 23an BBKk akordioa sinatu zuen Eusko Jaurlaritza eta Bilboko udalarekin, bi erakundeek elkarlanean sustaturiko Zorrotzaurre gune berrian aurrezki kutxaren egoitza nagusi berria eraikitzeko. Egoitza berriaren eraikuntzak 80 milioi euroko aurrekontua izango zuen, zati bat orubea erosteko eta 56 milioi inguru eraikina altxatzeko.

Etxe orratza Zorrotzaurre hegoaldean altxatuko zen, Euskalduna zubiaren eta Bilbao World Trade Center egitasmoaren ondoan.

Atzerapena

2011ko otsailaren hasieran BBKk dorrea eraikitzeko egitasmoa atzeratuko zuela esan zuen, finantza sektoreak bizi zuen egoera ezengokorrak eraginda eta batez ere Kordobako Cajasur aurrezki-kutxaren erosketak BBKri eragindako galerengatik.

Bertan behera

2016ko urrian Kutxabankek Zorrotzaurren behar zituen lurrak erosi eta gutxira, eraikina egingo ez zuela esan zuten Kutxabankeko arduradunek.

Ikus, gainera

• Euskal Herriko eraikinik garaienen zerrenda
• Zorrotzaurre
• BBK eraikina (Plaza Biribila)

Kanpo estekak

• (Ingelesez) Egitasmoari buruzko informazioa Zaha Hadid arkitektoaren webgunean.
• (Gaztelaniaz) Egitasmoari buruzko informazioa.

• Datuak: Q12254613