Euskalduna zubia

Euskalduna zubia
Zubia, mendebaldetik ikusia
Zeharkatzen du	Bilboko itsasadarra
Non	Bilbo, Bizkaia
Diseinatzailea	Javier Manterola
Materiala	hormigoia, altzairua
Irekitze-data	1997
Bidesaria	Ez

Euskalduna Zubia Bilboko Deustu eta Abandoko auzoak batzen dituen zubia da.

Zubiak antzinako Euskalduna Ontziolen izena hartzen du, ontziola hauek Abando aldeko itsasadarraren zatian kokatuta zeudelarik. Zubia 1997ean zabaldu zuten, eta Enekuri eta AP-8 autobideko trafikoak elkartzen ditu. Zubiaren Deustuko San Pedroko aldean biribilgune handi bat eraiki zen trafikoa errazteko.

Zubia eraikia dagoen lurren ezegonkortasuna dela eta, 2000. urtean hondoratze txiki bat gertatu zen, eta zubiari konponketak egin behar izan zitzaizkion. Zorrotzaurreko proiektuaren arabera, zubia Zorrotzaurren egingo den irla berrira bideratuko da, eta horretarako metro batzuk gehituko zaizkio zubiari itsasadarraren gainean.

Zubiaren behealdean Bilboko Itsasadarra Itsas Museoa dago, zubipean erabili gabeko gune batean. Zubiak, autoentzako bi bide dauzka norabide bakoitzeko. Horrez gain, oinezkoentzako bidea, eta bidegorri bat. Bidegorria Abandoibarratik Elorrietaraino iristen da. Zubia eraiki eta gero, Bilboko udalak, hockeyean jolasteko gune bat prestatu zuen zubiaren Deustuko gunean.

Ikus, gainera

• Bilboko itsasadarra
• Bilboko itsasadarreko zubiak