Lemuridae benetako lemurrak biltzen dituen primate familia da. Beste lau familiei ere izen hori jartzen zaie, hala ere. Bere garaian gizaki eta tximinoen arbasotzat hartzen ziren, nahiz eta gaur egun ahaidetzat baino ez diren hartzen.
Lemuridaeak zuhaitzprimate ertainak dira, 32tik 56 zentimetrora artekoak isatsa kenduta eta 0,7tik 5 kg arteko pisua izaten dute. Isats luze eta iletsua dute eta euren larrua leuna eta artiletsua da. Atzeko hankak aurrekoak baino pixka bat luzeagoak dira, baina lau hanken gainean mugitu ohi dira, hala ere. Espezie gehienak oso azkarrak dira eta salto handiak egiteko gaitasuna dute. Ikusmen binokularra dute eta usaimen ona. Lemur catta ezik beste guztiek ez dute tapetum lucidumik, Lemuriformes barruan ez duten bakarrak direlarik.
