Ludwig von Bertalanffi

Ludwig Von Bertalanffi biologo eta epistemologo austriarra izan zen (Atzgersdord, Viena, 1901 - Bufalo, AEB, 1972). 1949an, Kanadara emigratu behar izan zuen, eta 1962az geroztik biologia teorikoa irakatsi zuen Albertako Unibertsitatean. Zelulen fisiologia, enbriologia esperimentala, patologia (batez ere minbizia) eta biologia teorikoa ikertu zituen. Bitalismoa zein mekanizismoa ukatu zituen, eta organizismoaren zientzialari nagusietako bat izan zen. Hauek dira Bertalanffiren lan nagusiak: Formen bilakaeraren teoria kritikoa (1928), Munduaren irudi biologikoa (1949) eta Sistemen teoria orokorraren etorkizuna (1950).

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.