Magnum Force
Magnum Force (euskaraz Magnum Indarra) 1973ko Ted Post estatubatuar zinema zuzendariaren ekintza filma bat da. Clint Eastwood, Hal Holbrook, Mitchell Ryan, David Soul, Felton Perry, Robert Urich eta Tim Matheson aktoreek antzeztu zuten.
Harry Zikina Callahan inspektorearen saileko bigarren filma izan zen, aurretik Dirty Harry (1971) eta ondoren The Enforcer (197) filmak jarraitu zuelarik.
Argumentua
Harry Callahan (Clint Eastwood) kasuak argitzeko batere ohikoak ez diren bere metodoen ondorioz poliziaburuek zigor gisa Hilketa sailetik Zainketa sailera lekualdatu dute. Une berean, San Francisco hirian hilketak jazotzen hasi dira, hortaz, Harryren buruzagia den Neil Briggs (Hal Holbrook) tenienteak hilketa horiek argitzeko Callahan inspektorea berriz ere Hilketa sailera itzularaztea derrigortua egongo da. Ikerketak hilketa horien egilea Polizia saileko norbait dela adierazten du. Callahanek hilketa horien atzean zaintzaile gisa bere kabuz eta klandestinoki hilketak burutzen ari den polizia talde bat dagoelako susmoa du, hots, epaileek burututako lanarekin gustura ez, eta heuren eskutik ustezko justizia egiten ari diren poliziak. Hortaz, Callahanen helburua lehez kanpo jarduten duten polizia ustel horiek nortzuk diren jakin eta atzematea izango da.
Aktoreak
- Clint Eastwood: Harry Callahan inspektorea
- Hal Holbrook: Neil Briggs tenientea
- David Soul: John Davis trafiko polizia
- Tim Matheson: Philip Sweet trafiko polizia
- Kip Niven: Alan "Red" Astrachan trafiko polizia
- Robert Urich: Michael Grimes trafiko polizia
- Felton Perry: Earlington "Early" Smith inspektorea
- Mitch Ryan: Charles "Charlie" McCoy trafiko polizia
- Margaret Avery: emagaldua
- Bob McClurg: taxilaria
- John Mitchum: Frank DiGiorgio inspektora
- Albert Popwell: J.J. Wilson proxeneta
- Richard Devon: Carmine Ricca
- Christine White: Carol McCoy
- Tony Giorgio: Frank Palancio
- Jack Kosslyn: Walter
- Bob March: Estabrook
- Adele Yoshioka: Sunny
Kanpo loturak
- Magnum Force filmaren IMDBko fitxa irakurgai (Ingelesez)