Mediar GerrakGreziako zenbait hiri-estaturen eta Akemenestar Inperioaren gatazka jarraituak izan ziren, K. a. 499an hasita eta K. a. 448an amaituta. Edonola ere, gehienetan Mediar Gerrak izenak Grezia kontinentalaren bi inbasio (K. a. 490 eta K. a. 480-479) adierazten ditu. Bietan, greziar aliatuek arrakastaz aurre egin zioten etsaiari. Dena den, greziar guztiek ez zuten bat egin persiarren aurka. Batez ere persiarren armada itzelak hurbildu ahala, neutral edo haien alde egiten zuten.