Nabarra


Aldizkaria	Nabarra
Sortze urtea	2001
Mota	Kultura eta gizarte gaiak
Saltzen zen lurraldea	Euskal Herria
Editatzen zen hiria	Bilbo
Hizkuntza	euskara
Maiztasuna	hilero
Argitaratzea	hilaren 1ean
Argitaletxea	Nabarrak kultur elkartea
Inprimategia	Gráficas Iratxe
Ekoizpena	-
Zuzendaria	Irati Jimenez
Kontakturako bidea	nbr.aldizkaria@gmail.com
ISSN	1695-0127

Nabarra Euskal Herriko kultura eta gizartea jorratzen zituen hilabetekaria izan zen. 2001 urtean Iruñean sortu bazen ere, diru arazoak zirela kausa, 2010ean Bilbora aldatu zen, 110. zenbakiaz gero. Iruñean Ion Orzaiz kazetaria zen zuzendaria, eta Bilbon Irati Jimenezek hartu zuen ardura hori.

Hamar urteren ondoren (2011an), Nabarrak Kultur Elkarteak Nabarra aldizkaria argitaratzeari utzi egin zion. Diru arazoak izan ziren honen arrazoia. "Ezin izan dugu Bizkaian jarraitu Nafarroan sortu zen aldizkariarekin, egoera ekonomikoak eta diru laguntzen kudeaketa sistemak itota", azaldu zuen elkarteak. Azken prentsaurrekoan Irati Jimenez eta Esteban Montorio, arte zuzendaria egon ziren.

Aldizkarian idazten zutenen artean euskal letretako izen garrantzitsuak aurkitzen ziren, hala nola Edorta Jimenez eta Iban Zaldua.

2009an formatua aldatu zuten, DIN A-4a baino pixkat txikiagoa eginez.