Paulina Arana Goiri
| Datu pertsonalak | ||
|---|---|---|
| Izen osoa | Paulina Arana Goiri | |
| Jaio | 1859 | |
 Abando, Bizkaia(Euskal Herria) | ||
| Hil | 1921 | |
| Bilbo, Bizkaia (Euskal Herria) | ||
Paulina Arana Goiri (1859, Abandoko Errepublika - 1921, Bilbo) Sabin eta Luis Arana Goiri anai eta eusko abertzaletasunaren sortzaileen arreba izan zen.
Santiago Arana bizkaitar ontzigilea eta Paskuala Goiriren alaba. Arana Goiri familiko burua karlismo zalea izan zen, aldiz, Sabin eta Luis anaiek hasiera batean Bizkaiaren eguneroko politikan, eta epe laburrean gainontzeko Euskal Herri osoan sekulako eragin eta oihartzuna izan zuen mugimendu politiko eta kulturalaren sortzaileak izan ziren. Paulina Aranak bi anaien politika ibilbidearn hastapenarn inguruko gertakarien kronikari lanak burutu zituen, oraindik argitzeke dauden «Memorias» (Oroimenak) idazkietan azaldu zituelarik.
Zeferino Jemeinek bere «Biografía de Arana-Goiri'tar Sabin» liburuan Oroimen horien zati batzuk besterik ez zituen argitaratu. Liburu horretako 175, 176, 189, 197, 201, 208, 209, 210, 216, 217, 279, 292, 294 eta 295 orrialdeetan oroimen horien parrafo osoak hitzez-hitz agertzen dira. Oroimen hauen argitalpen oso batek Euskal Herriko historiaren XIX. mendearen bigarren erdialdeko eta XX. mendearen lehenbiziko urteetako giro nahasia ulertarazten lagunduko lukete.