Philibert de l'Orme

Philibert de l'Orme (filibɛːʁ dəlɔʁm ahoskatua; Lyon, c. 1514 - Paris, 1570eko urtarrilaren 8a) arkitekto frantsesa izan zen. Frantziako Errenazimentuko arkitekto nagusietako bat izan zen. Lyonen eta Erroman egin zituen ikasketak. Hornidura klasikoan erritmoaren zentzua sartu zuen. Katalina Medicik aginduta Tulleriasko jauregiaren egitasmoa egin zuen 1564. urtean. Arkitekto honen obrarik gehienak suntsitu egin dira. Zutik diraute Bullioud egoitzak (Lyon, 1536), 1547 eta 1555 bitartean Diana Poitierskoarentzat eraikitako Aneteko gazteluko zenbait atalek (kapera, ataria) eta Frantzisko I.aren hilobiak (Saint-Denis basilika). Arkitekturari buruzko hainbat lan idatzi zuen: Ondo eta merke eraikitzeko teknika berriak (1561), Lehen arkitektura liburukia (1567).

Erreferentziak

Wikimedia Commonsen badira fitxategi gehiago, gai hau dutenak: Philibert de l'Orme

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q440053
Multimedia: Philibert Delorme / Q440053