Propano
Propanoa hiru karbono atomo dituen hidrokarburoa da. Petrolioaren eta gas naturalaren ustiakuntza prozesuetatik eratortzen den gas kolorgea da. Propanoak ez du usainik, eta erregai gisa erabili ohi da. Bere formula kimikoa C3H8 da.
Hidrokarburo aseen multzoko gaietako bat da. Gasa sukoia da, eta gas naturalaren usaina du; -45 °C-tan isurkari bihurtzen da, eta -189,9 °C-tan trinkotzen. Propanoaren irakite puntua dela eta, erraz bihurtzen da gas, eta, egoera horretan, botiletan sar daiteke. Su hartzen du -105 °C-tan. Eterrean eta alkoholean disolbatzen da, eta uretan ere bai apur bat.
Gas itogarria da. Petroliotik eta gas naturaletik atera daiteke. Erabilera asko ditu, besteak beste: sintesi organikoetan, berogailuetako erregai gisa, industrian, etilenoa ekoizteko, disolbatzaile eta hoztaile gisa, gasak aberasteko, aerosolen bultzatzaile gisa.
[aldatu] Ezaugarriak
Hona hemen hainbat ezaugarri:
- Fusio puntua: -187,7 °C
- Irakite puntua: -42,1 °C
- Tenperatura kritkoa: 94 °C
- Masa molekularra: 44 g/mol
- Dentsitatea: 0,585 g/ml
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
