Roger Caillois
| Datu pertsonalak | ||
|---|---|---|
| Izen osoa | Roger Caillois | |
| Jaio | 1913ko martxoaren 3a | |
| Reims (Frantzia) | ||
| Hil | 1978ko abenduaren 21a (65 urte) | |
| Paris (Frantzia) | ||
Roger Caillois (frantsesez: ʁɔʒe kajwa; Reims, Frantzia, 1913ko martxoaren 3a - Paris, Frantzia, 1978ko abenduaren 21a) frantses antropologo eta idazlea izan zen.
Buenos Airesko Institutu Frantsesa sortu zuen, eta espainierazko literatura eman zuen ezagutzera Frantzian. G. Bataillerekin eta M. Leirisekin batera, Collège de Sociologie delakoa sortu zuen eta Diogène giza zientzien aldizkariaren zuzendari izan zen. Egungo gizarte eta zibilizazioaren kritikari zorrotza izaki, ordena arrazionala eta koherentzia aldarrikatu zituen (Mitoa eta gizona, 1938). Soziologia (Bellone edo gerraren malda, 1963) eta estetika (Fantastikoaren bihotzean, 1965; Harrien idazkera, 1970) landu zituen bereziki. Gizona eta sakratua lanarekin (1939), arte eta literatura sorkuntzaren inguruko gaietara lerratu zituen, nagusiki, bere ikerlanak.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2016-09-12 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
| Autoritate kontrola |
|
|---|
Datuak: Q430765
Multimedia: Roger Caillois / Q430765