Sally Scales

Wikipedia, Entziklopedia askea
Sally Scales
Bizitza
Jaiotza1989 (34/35 urte)
Herrialdea Australia
Jarduerak
Jarduerakartista
Jasotako sariak
Twitter: SallyScales Edit the value on Wikidata

Sally Scales (1989)[1] artista australiar bat da. Emakume pitjantjatjara da, Pipalyatjarakoa, Anangu Pitjantjatjara Yankunytjatjara (APY) lurretako mendebaldeko muturrean, Hego Australian. Ama Josephine Micken du, kultur buruzagia eta Ninuku Arts[2] zentroko artista; aita, Ushma Scales zena, larrugilea[3] eta Maruku Arts zentroaren eta APY Ara Irititja kultur artxiboaren sortzaileetako bat.[1] Amona ere margolaria zen.[2]

APYko lehendakari kargua izandako pertsonarik gazteena eta bigarren emakumezkoa izan zen, eta APY Arte Center Collective jabetza indigenako enpresa taldearen bozeramaile;[4] bertan aritu izan zen lanean 2013az geroztik.[5] Kolektiboarekin lan egiteaz gain, Scalesek aholkularitza lanak egin izan zituen Arte Gallery of South Australiarentzat.[6][1]

Uluruko Aldarrikapena[7] aldatzeko gazteen lidergo taldeko kidea izan zen, Ross Riverren (Adelaida) Erreferendumaren Kontseiluaren Konstituzioari buruzko eskualdeko elkarrizketetan[8] eta Uluruko konbentzio nazionalean parte hartu ondoren, 2017an. Orduz geroztik, Voice, Treaty and Truth (Ahotsa, adostasunak eta egia) lidergoko partaide izan da Sally.[5]

2020an murgildu zen bete-betean arte jardueran, COVID-19 pandemiaren ondorioz.[9][10] Adelaidako APY Gallery erakustaretoan egin zuen lehen erakusketa, 2021eko martxoan, sarrerak agortzeraino.[11] Scalesek zenbait sari irabazi izan ditu, eta 2022ko National Aboriginal and Torres Strait Islander Arte Awards (NATSIAA)[12] sarietan finalista izendatu zuten.[3]

2022. urtean, Australiako gobernuarekin lan egiten duen taldeko kide izateko izendatu zuten, Voice to the Parliament (Ahotsa parlamentuan) izeneko erreferenduma egiteko prestalanak bere gain hartu dituena. Kontsulta historiko bat da, eta, arrakastarik badu, herrialde aborigenak etengabe ordezkatuta egongo dira Parlamentuko prozesuetan.[4] Urte hartan, BBCko 100 Emakumeen zerrendan hautatu zuten, Julia Gillard politika izandakoak izendatuta; hauxe nabarmendu zuen: «Scalesek arte zoragarri baten sortzaile bezainbatean giza ulermenaren sortzaile bat da. Besteak argitu eta kilikatzerakoan, arrazakeriaren eta sexismoaren konbinazio maltzurrarekin amaitzeko beharrezkoak diren aldaketa askoren katalizatzailea».[4]

Walter izeneko haur baten adopziozko ama da Scales.[5]

Erreferentziak[aldatu | aldatu iturburu kodea]

  1. ↑ a b c (Ingelesez) Sally Scales - APY Gallery. .
  2. ↑ a b (Ingelesez) Ninuku Arts. .
  3. ↑ a b (Ingelesez) Giselle Au-Nhien Nguyen. (2022-02-13). «Sally Scales on the links between painting, life and family» Art Guide Australia.
  4. ↑ a b c (Ingelesez) «BBC 100 Women 2022: Who is on the list this year?» BBC News (www.archive.org).
  5. ↑ a b c (Ingelesez) «Sally Scales» ABC News (www.archive.org) (Noiz kontsultatua: 2023-02-04).
  6. ↑ (Ingelesez) «Art Gallery of South Australia - AGSA» web.archive.org 2023-01-29 (Noiz kontsultatua: 2023-02-04).
  7. ↑ (Ingelesez) «The Statement» Uluru Statement (www.archive.org) (Noiz kontsultatua: 2023-02-04).
  8. ↑ (Ingelesez) First Nations Regional Dialogue in Ross River. web.archive.org (Noiz kontsultatua: 2023-02-04).
  9. ↑ (Ingelesez) Suzie Keen. «Old, new, us: Painting a generational story» InReview (web.archive.org) (Noiz kontsultatua: 2023-02-04).
  10. ↑ (Ingelesez) Farrin Foster. (2020-09-07). «Sally Scales: 'COVID-19 has shown the good, the bad and the ugly'» The Adelaide Review (web.archive.org) (Noiz kontsultatua: 2023-02-04).
  11. ↑ (Ingelesez) Sally Scales - APY Gallery. .
  12. ↑ (Ingelesez) National Aboriginal and Torres Strait Islander Art Awards (NATSIAA). web.archive.org (Noiz kontsultatua: 2023-02-04).

Ikus, gainera[aldatu | aldatu iturburu kodea]

Kanpo estekak[aldatu | aldatu iturburu kodea]


"https://eu.wikipedia.org/w/index.php?title=Sally_Scales&oldid=9202158"(e)tik eskuratuta