Salvia greggii

Salvia greggii
Irudi gehiago
Sailkapen zientifikoa
Erreinua	Plantae
Ordena	Lamiales
Familia	Lamiaceae
Leinua	Mentheae
Generoa	Salvia
Espeziea	Salvia greggii A.Gray, 1872

Salvia greggii Lamiaceae familiako zuhaixka da. Salvia microphylla espeziearen oso antzekoa da eta harekin hibridoak sortzen ditu.

Jatorria

Ipar Amerikan du jatorria, Texas hego-mendebaldean, Chihuahuako basamortuan eta Mexiko erdialdeko San Luis Potosí estatuan. Azken honetan 1.500 eta 3.000 metrotako altueran hazten da. Gaur egun ordea mundu guztiko lorategietan ikus daiteke landare apaingarri gisa.

Deskribapena

Itxura eta tamaina oso desberdinak har ditzake, badira 30 cm-ko altuera dutenak eta badira 120 cm-koak ere. Batzutan tente aurkitzen da eta beste batzuetan ez.

Hosto txikiak ditu, 2'5 cm gehienez, eta berdeak eta ilegabeak dira. Ertza leuna dute, horretan bereizten dira Salvia microphylla -rengandik, hark ertz horzkatuak baititu.

Loreek 0'5 eta 2'5 cm arteko luzera izan dezakete eta kolore aniztasun handia dute; gorri biziak, arrosak, zuriak, moreak edo laranjak izan daitezke, baina normalean gorriak edo arrosak dira.

Aldaerak

Texasen "Furman Red" aldaera landatzen da eta udazkenean lore gorri ilunak ateratzen ditu. "Big Pink" barietatean loreek kolore arrosa bizia dute eta azpiko ezpaina handia da. "Purple Pastel" barietatearen loreamorea da eta udazkenean ateratzen da. Badira gehiago ere, "Jefe de Cherry" eta "Desert pastel" (laranja) adibidez.

Kanpo estekak

• Datuak: Q891000
• Multimedia: Salvia greggii / Q891000
• Espezieak: Salvia greggii