Segura Irratia

Segura Irratia
Datuak
Mota	irratia
Herrialdea	Gipuzkoa

Segura Irratia Gipuzkoako Segura udalerritik euskaraz emititzen duen irrati kate bat da. Goierri osorako emititu ohi du, gaur egun eskualde honetako sinbolo bilakatu delarik.

Historia

1956ean On Zesareo Elgarresta, Segurako erretorea zen apaiz bergararrak, Segura Irratia "Jainkoaren hitza eta Goierriko albisteak eskualdean zabaltzeko" sortu zuen. Lehenbizikoz 1956ko apirilaren 2an emititu zuen.

Ezaugarriak

Irrati kate honek Goierri eskualdean ospea baldin badu, entzuleek maite edo estimatzen dituzten pertsonen urtemugak zoriontzeko asmoz abestiak dedikatzeko aukera ematen duelako da. Irrati honen beste ezaugarri bat bertan egunero errezatu ohi den errosarioa da, irrati honek, bere hastapenetan behintzat, Eliza Katolikoarekin zuen nolabaiteko loturaren erakusgarria.

Euskaraz emititzea zuen segur aski ezaugarri nagusia, Francoren diktadura bete-betean. Horren trukean, ordea, Europatik heltzen ziren oposizioko irratien seinaleak eragozteko traba seinaleak igortzen zituen.

Diala

• Segura Irratia : 89.2 FM
• Interneten: segurairratia.eus

Ikus, gainera

• Euskarazko irrati kateak

Kanpo estekak

• Segura Irratiaren webgunea
• Segura Irratiaren 50. urteurrenaren inguruko ETBko bideoa ikusgai. Youtube.com
• Segura Irratiari buruzko artikulua irakurgai. Noticias de Gipuzkoa. (Gaztelaniaz)

• Datuak: Q12267273