Augusto Ibáñez
Wikipedia(e)tik
(«Titin III.a» orritik birbideratua)
Augusto Ibáñez Sacristán, pilota arloan Titín III.a goitizenaz ezaguna, (Tricio, Errioxa, 1969ko urtarrilaren 13a) esku huskako pilotari profesionala eta politikaria da.
Esku huska, aurrelari postuan jokatzen du, Aspe enpresarekin. Estatistika ofizialen arabera, 1,80 metro luze da, eta 86 kg pisatzen du. Estreinako partida 1992ko abuztuaren 13an jokatu zuen, Baños de Río Tobíako (Errioxa) pilotalekuan.
Politikari gisa, Espainiako Alderdi Popularreko zinegotzi da Logroñoko Udalean, 2011ko udal hauteskundeez geroztik.[1] 2012ko maiatzean, zeresan handia eman zuen Arnaldo Otegirekin batera Logroñoko espetxean ateratako argazkiak, Alderdi Popularrak ezker abertzalearekiko harremanak etenda baitzituen garai hartan.[2][3][4]
Palmaresa [aldatu]
- 1992/1993ko binakako txapeldunordea.
- 1993/1994ko binakako txapelduna
- 1997ko lau eta erdiko txapeldunordea.
- 2000ko binakako txapelduna.
- 2003ko lau eta erdiko txapeldunordea.
- 2004ko binakako txapelduna.
- 2007ko lau eta erdiko txapelduna
- 2008ko binakako txapeldunordea
- 2012ko binakako txapelduna.
Erreferentziak [aldatu]
- ↑ (Gaztelaniaz) «Beitia y Prudencio Induráin logran su escaño en el Parlamento», Libertad Digital, 2011-05-24.
- ↑ «Otegi eta PPko zinegotzi Titin III.a, elkarrekin kartzelan», Berria, 2012-05-23.
- ↑ (Gaztelaniaz) «El pelotari Titín III, con Otegi en la cárcel de Logroño», Larioja.com, 2012-05-23.
- ↑ (Gaztelaniaz) «El concejal del PP y pelotari Titín III visita a Otegi en la prisión de Logroño», El Mundo, 2012-05-23.
Kanpo loturak [aldatu]
 |
Artikulu hau Errioxako biografia bati buruzko zirriborroa da. Wikipedia lagun dezakezu edukia osatuz. |
