Tutmosis II.a

Wikipedia(e)tik
Hona jo: nabigazioa, Bilatu
Tutmosis II.aren ustezko momiaren marrazkia, Gaston Masperoren arabera (1846-1916)

Aakheperenra Thutmose, Thutmose II.a edo Tutmosis II.a, Egiptoko XVIII. dinastiako laugarren faraoia da. K. a. 1492 eta K. a. 1479 bitartean gobernatu zuen. Thutmosis II.a, Tutmose II.a edo Tutmes II.a bezala ere ezagutzen da, hiru izen hauek, greziera modernoko izenak direlarik. Bere koroaketa eta jaiotza izenak, Aa-Kheper-en-Ra Dyehut-Mose izan ziren.

Biografia[aldatu | aldatu iturburu kodea]

Bere aurreko faraoia izan zen Tutmosis I.aren eta honen bigarren mailako emazteetako baten, Mutneferten semea zen. Baldintza normaletan, sekula ez zuen, baina, Tutmosis I.ak, hil zenean, gizonezko oinordeko heldurik ez zuenez, Tutmosis II.ak boterera iristea lortu zuen, beharbada erregearen arkitekto eta chatya zen Inenik lagunduta, faraoiaren ondoren, herrialdeko pertsonarik boteretsuena eta eragin handiena zuena. Hala ere, Tutmosis II.a sekula ez zen faraoi izatera iritsiko bere arrebaorde Hatshepsutekin ezkondu ez bazen, hau, Tutmosis I.aren eta honen Errege Emazte Handiaren alaba nagusia zena.

Bere erregealdiaren iraupena, hiru urtetan estimatzen da, erregealdiaren iraupen zehatza ezagutzen ez den arren. Errege honi buruz, ez dago gertaera esanguratsurik, erregealdi laburra izan zuela suposarazten duena. Idazkun bat aurkitu da, erregeak Nubiaren aurka eginiko espedizio bat aipatzen duena (Sethe: 1906:137-141), eta Elefantinan eta Koptosen hasitako balizko eraikinen hondakinak daude.

Uste denez, Erregeen Haranean lurperatua izan zen, DB320 ezkutalekuan aurkitutako momiaren identifikazioa egiaztatzeko dagoen arren; faraoi honenak izan litezkeen zenbait hilobi daude.

Bere garaiko testigutzak[aldatu | aldatu iturburu kodea]

Idazkuna Hatshepsuten tenpluaren ondoan, bere izena, Aakheperenra, kartutxo baten barruan dagoela

Tutmosis II.aren izena, honako toki hauetan idatzia agertzen da:

Eraikin hondakinak

  • Elefantinan aurkitutako harri blokeak (Junge 1987:24)
  • Koptoseko tenpluko harri blokea (Petrie Museoa UC14328)
  • Tutmosis I.aren eraikin batetako ateburuak, Karnaken (Jacquet-Gordon 1999:281-283)

Estatuak, hilarriak eta idazkunak

  • Karnaken aurkitutako estatua (Sethe 1906:154)
  • Beharbada Heliopolisetik heldutako estatua (Sethe 1906:143-144)
  • Nubiaren aurkako espedizio bat aipatzen duen idazkuna (Sethe 1906:137-141)
  • Idazkuna harkaitz batean, Seheletik gertu (de Morgan 1894:91.103; 102.228)
  • Idazkuna pilastra batean Hatshepsuten tenpluaren ondoan, Deir el-Baharin.

Errege hau, zenbait pertsonairen biografietan aipatzen da:

  • Ahmose Paennekheben biografian, El Kaben (Sethe 1906:34)
  • Ineniren biografian Tebasen (Sethe 1906:58)
  • Neb-Amonen biografian, Tebasen (Sethe 1906:151)


Aurrekoa
Tutmosis I.a
Egiptoko faraoia
Egiptoko XVIII. dinastia
Ondorengoa
Tutmosis III.a
Commonsen badira fitxategi gehiago, gai hau dutenak: Tutmosis II.a Aldatu lotura Wikidatan