Winnipeg (aintzira)
|
||||
|---|---|---|---|---|
Winnipegeko hondartza bat |
||||
 |
||||
| Kokalekua | Manitoba, Kanada | |||
| Garaiera | 217 m | |||
| Zabalera | 100 km | |||
| Luzera | 416 km | |||
| Bataz besteko sakonera | 12 m | |||
| Gehienezko sakonera | 36 m | |||
| Arroa | 24.514 km² | |||
| Ertzaren luzera | 1.858 km | |||
| Betebidea | Winnipeg ibaia, Saskatchewan ibaia, euria, Iparraldeko ibai gorria | |||
| Hustubidea | Nelson ibaia | |||
Winnipeg[1] Kanadaren hegoaldean dagoen aintzira da, Manitoba probintzian, Winnipeg hiritik 55 kilometrora.
Kanadako ur gezako aintzira handienetatik bosgarrena da, eta mundukoen artetik hamabigarrena.
Eduki-taula |
Geografia [aldatu]
Winnipegen 984,200 km²-ko eskualdean aintzira eta ibai asko daude:
- Saskatchewan ibaia
- Red River of the North (Assiniboine ibaia du ibaiadar nagusi)
- Winnipeg ibaia (Basoetako aintziren, Rainy ibaiaren eta Rainy ibaiaren urak dakartza)
- Dauphin ibaia (Manitoba eta Winnipegosis aintziretako urak dakartza)
- Bloodvein ibaia
- Poplar ibaia
- Manigatogan ibaia
Winnipegen urak, Nelson ibaiak eramanda, Hudsoneko badian itsasoratzen dira.
Winnipegek, Manitoba eta Winnipegosis aintzirekin batera, historiaurreko Agassiz aintzira glaziarrean du jatorria. Hori dela eta, bere eskualdeak Interlake («aintzirartea») izena du. Batzuetan, Manitobako Behe Lurraldeak ere deritzote.
Historia [aldatu]
Adituek diote aintziraraino heldu zen lehendabiziko europarra Henry Kelsey izan zela, 1690ean. Izena cree hizkuntzakoa da (wīnipēk) eta "ur lohituak" esan nahi du.
Herrixkak [aldatu]
Winnipegen kostetan hainbat herrixka daude, nagusiak Grand Beach eta Riverton izanik. Beste batzuk Gimli, Winnipeg Beach, Victoria Beach, Pine Falls, Manigotagan, Berens River, Bloodvein eta Grand Rapids dira.
