Zirrokumulu

Zirrokumuluak

Zirrokumuluak
Altitudea:	6.000 mtik gora
Prezipitazioa:	Ez
Laburdura:	Cc
Ikurra:

Zirrokumuluak goi mailako hodei zuri kotoikarak dira, orbanak edo geruzak osatuz hedatzen direnak. 6 eta 14 kilometro arteko garaieran egoten baitira, hodei hauetako elementu bakoitza nimiño ageri da, gatz edo arroz aleen itxurakoa. Altokumuluak ez bezala, zuri-zuriak dira, gune ilunik gabe. Askotan tarte erregularretan antolaturik egoten dira, uhinak eratuz (undulatus aldaera). Jeneralean zirru eta zirrostratuekin batera agertzen dira.

Zirrokumulu espezieak

Hodei genero honetan lau espezie daude :

• Cirrocumulus stratiformis. Hodei geruza zabala denean.
• Cirrocumulus lenticularis. Leiar edo almendra formako eta azal homogeneoko hodeia.
• Cirrocumulus castellanus. Hodeitxoek gainalde almenaduna dutenean.
• Cirrocumulus floccus. Hodeitxoak azpialde irregularrekoak eta kumulu formakoak direnean.

Zirrokumulu aldaerak

• Cirrocumulus lacunosus. Hodei geruza abaraska baten antzera saretua dagoenean.
• Cirrocumulus undulatus. Hodeitxoak uhinen moduan antolatzen direnean.

Iruditegia

• 

  Cirrocumulus stratiformis.

• 

  Cirrocumulus undulatus.

Kanpo loturak

• (Ingelesez) The Cloud Appreciation Society: Cirrocumulus