Edukira joan

Ángela Mazzini Bricala

Aldatu loturak
Wikipedia, Entziklopedia askea
Ángela Mazzini Bricala
Bizitza
Jaiotzako izen-deiturakÁngela Mazzini Bricala
JaiotzaCádiz, 1809
Herrialdea Espainia
HeriotzaSanta Cruz Tenerifekoa, 1894 (84/85 urte)
Hezkuntza
Hizkuntzakgaztelania
Jarduerak
Jarduerakidazlea

Ángela Mazzini Bricala (Cádiz, 1809 - Santa Cruz Tenerifekoa, 1894) idazlea izan zen. Guraso italiarrak izan zituen. 1835ean, Charles Honoré Bridoux y Lefévre merkatari frantsesarekin ezkondu zen, eta Victorina alaba izan zuten. Hau ere poeta izan zen.[1]

Ibilbidea[aldatu | aldatu iturburu kodea]

Senarra hil ondoren, hizkuntzak irakasten aritu zen, frantsesa, ingelesa eta italiera menperatzen zituelako, gaztelaniaz gain, eta 1852an Santa Cruz Tenerifekora joatea erabaki zuen alabarekin. Erabat integratu zen Tenerifeko bizitza kulturalean, ongintzazko helburuekin antolatzen ziren ekitaldi kultural eta artistikoetan parte hartuz. Kultura-jarduera horren adibide bat da Ángelak eta haren alabak Jose Zorillaren El zapatero y el rey/ Zapataria eta erregea antzezlanean parte hartu izana. Ongintzazko gaualdi horietan bere poemak ere irakurri zituen.[2]

Victorina alaba Gregorio Domínguez de Castro infanteria-kapitainarekin ezkondu zen. Lau seme-alaba izan zituen harekin, baina 1862an hil zen, sukar horiaren ondorioz. Bere poemak Lágrimas y flores izeneko liburu batean bildu zituen senarrak.

Alabaren heriotza kolpe gogorra izan zen Angelarentzat. Angelak bere mina hainbat poematan islatu zuen, eta horietako batzuk Victorinari eskaini zizkion berariaz.[3]

Ez dago bere bizitzako hurrengo hiru hamarkadei buruzko ia berririk. Bere biloba Sofia hil ondoren, suhia penintsulara joan zen beste seme-alabekin eta horrek Angela bere familiarekin kontaktu zuzenik gabe utzi zuen eta, dirudienez, bere bakardadea eta malenkonia areagotu egin ziren. Lekukotasun batzuen arabera, bere bizitzako azken urteetan garbitasuna eta itxura pertsonala ere alde batera utzi zituen.

Santa Cruz Tenerifekoan hil zen 1894ko ekainean.

Lanak[aldatu | aldatu iturburu kodea]

Bere testuak Kanarietan XIX. mendearen bigarren erdialdean argitaratutako egunkari eta aldizkari askotan banatu dira, nahiz eta uharteetatik kanpo ere argitaratu zituen. Irakaskuntza publikoari, ohiturei, literatura-iruzkinei eta abarri buruz idatzi zuen, baina, batez ere, poeta gisa nabarmendu zen. Ez zuen bere obra bolumen batean jaso, beraz, aldizkako prentsan argitaratutakoa bakarrik gordetzen da.[4]

Bere poesia-gaiak intimismo erromantikotik existentzialismora eta gizarte-aldarrikapenera doaz, garaiko eguneroko gertaeren aipamenak barne.[5]

Erreferentziak[aldatu | aldatu iturburu kodea]

  1. ↑ «Ángela Mazzini» Escritores y escritoras de Canarias (Noiz kontsultatua: 2024-06-06).
  2. ↑ Unknown. (domingo, 9 de marzo de 2014). «1907.- ÁNGELA MAZZINI : Poetas Andaluces 2.221 - Biobiblio Poemas+Cantares+Versos+Coplas Editor:Fernando Sabido Sánchez» 1907.- ÁNGELA MAZZINI (Noiz kontsultatua: 2024-06-06).
  3. ↑ «: : : : : Ángela Mazzini : : : : :» www.epdlp.com (Noiz kontsultatua: 2024-06-06).
  4. ↑ (Gaztelaniaz) «ÁNGELA MAZZINI (1809-1894). POESÍA Y OTROS TEXTOS» www.todohobbylaclave.es (Noiz kontsultatua: 2024-06-06).
  5. ↑ «Ángela Mazzini» Academia Canaria de la Lengua (Noiz kontsultatua: 2024-06-06).

Bibliografia[aldatu | aldatu iturburu kodea]

  • Padorno, E. (2010). Ángela Mazzini (1809-1894): poesía y otros textos. Anroart. ISBN 978-84-92628-93-3. 
  • AAVV (2007). La enciclopedia de la literatura canaria. Centro de la Cultura Popular Canaria. ISBN 978-84-7926-564-9. 
  • Arencibia, C.Y. (2006). Yo quisiera volar ligera: mujeres en la poesía del Romanticismo en Canarias. Ed. del Cardo. ISBN 978-84-92628-93-3. Consultado el 14 de octubre de 2016. 

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Ángela_Mazzini_Bricala&oldid=9815172"(e)tik eskuratuta