ǁKaras (eskualdea)

ǁKaras (eskualdea)
	Namibia
Administrazioa
Herrialdea	Namibia
ISO 3166-2	NA-KA
Hiriburua	Keetmanshoop (en)
Zatiketa	ikusi Berseba Constituency (en) , Karasburg East (en) , Keetmanshoop Rural Constituency (en) , Keetmanshoop Urban Constituency (en) , ǃNamiǂNûs Constituency (en) , Oranjemund Constituency (en) eta Karasburg West Constituency (en) ;
Geografia
Koordenatuak	26°34′00″S 18°08′00″E / 26.566666666667°S 18.133333333333°E
Azalera	161.215 km²
Mugakideak	Lurmutur Iparraldea eta Hardap Region (en)
Demografia
Biztanleria	77.421 (2011)
Dentsitatea	0,48 bizt/km²
Hizkuntza ofiziala	ingeles
Ordu eremua	UTC+02:00 eta Central Africa Time (en)
	karasrc.gov.na

ǁKaras (/ᵏǁʰa.ɾas/ ahoskatua, klaska albokari hobikari erabiliz; lehen Karas, klaskarik gabe, deitua) Namibiako hamalau eskualdeetako bat da.^[1] Keetmanshoop da bere hiriburua. "ǁKharas" Namibian eta Botswanan endemikoa den aloe baten namerazko izena da, herrialdeko landarerik ezagunena dena.

Natur aberastasun handiko eskualdea da, bai barrualdean, bai kostaldean. Ibai-diamanteen munduko erreserbarik handienak ditu. Egonkortasun soziopolitikoa, kriminalitate-tasa txikia eta tokiko, eskualdeko eta atzerriko merkatuetarako sarbidea ematen duten azpiegitura onak ditu.

Eskualde honetan abeletxe txikiak daude nagusiki, batez ere ardiak edo ahuntzak. Garrantzi handia hartu dute Naute presan eta Orange ibaian zehar ureztatutako ehiza-aziendak eta etxaldeak.

Eskualdearen ezaugarri dira Lüderitzeko portua eta bertako arrantza eta ontzigintzako industria; diamanteen eremuak kostaldean zehar, Oranjemund gune nagusia izanik; erauzketa- eta meatzaritza-enpresak Namibiako hegoaldean (Klein Karas eta Rosh Pinah eremuak); Kudu gas-eremua, Ozeano Atlantikoan, eta eskala txikiko industriak Lüderitzen eta Keetmanshoopen.

Eremuaren hazkunde ekonomikoaren potentziala handia da, baina garapen orokorreko politika intentsiboa behar du. Gobernu zentralarentzat zergak sortzen dituen eremua da, batez ere diamantearen meatzaritzatik datozenak.