Ana Redondo

Ana Redondo
	; (2023) Irudi gehiago
; Berdintasun ministroa
; Q30334193
; Gaztela eta Leoiko Gorteetako Kidea
Bizitza
Jaiotzako izen-deiturak	Ana María Carmen Redondo García
Jaiotza	Valladolid, 1966ko uztailaren 16a (58 urte)
Herrialdea	Espainia
Hezkuntza
Heziketa	Valladolideko Unibertsitatea lizentzia : zuzenbide; Valladolideko Unibertsitatea doktore : zuzenbide konstituzional
Hizkuntzak	gaztelania; ingelesa
Jarduerak
Jarduerak	politikaria eta unibertsitateko irakaslea
Enplegatzailea(k)	Valladolideko Unibertsitatea
Kidetza	Socialist Party of Castile and León (en)
Sinesmenak eta ideologia
Alderdi politikoa	Espainiako Langile Alderdi Sozialista

Ana María del Carmen Redondo García (Valladolid, 1966ko uztailaren 16a) valladolidtar legelaria, irakaslea eta politikaria da. Zuzenbide Konstituzionalean doktorea da Valladolideko Unibertsitatean. XV. legegintzaldian Pedro Sánchezen hirugarren gobernuko Berdintasunerako ministro izendatu zuten.^[1]^[2]

Biografia

Valladoliden jaioa, Jesus eta Maria Ikastetxean ikasi zuen. Zuzenbidean lizentziatu zen eta Zuzenbide Konstituzionalean doktorea da. Zuzenbide Konstituzionaleko irakasle titularra da Valladolideko Unibertsitatean. Halaber, Madrilgo Unibertsitate Konplutentsearen mende dagoen Latinoamerikarako Ikasketen Institutuko talde juridikoko kidea da, eta Administrazio Publikoen Ministerioaren FIIAPeko XXI. Foroko kidea Latinoamerikarekiko harremanetarako.^[3]

Ibilbide politikoa

2000tik 2003ra PSOEko kidea, Valladolideko PSOEko Prestakuntza idazkaria izan zen.^[3] 2007ko hauteskundeetan Valladolideko probintziak prokuradore hautatu zuen Gaztela eta Leongo Gorteetarako, eta Talde Parlamentario Sozialistaren lehendakariordea izan zen. Óscar López Gaztela eta Leongo PSOEko idazkaritza nagusira iritsi zenean, Talde Sozialistaren bozeramaile izendatu zuten, eta 2011ko hauteskunde autonomikoetara arte bete zuen kargu hori; orduan, prokuradore autonomiko berrautatu zuten, eta berriro itzuli zen bigarren bozeramaile-postura.^[4] 2012ko apirilaren 15ean, Julio Villarrubia idazkari nagusia hautatu ondoren, Gaztela eta Leongo PSOEko idazkariorde nagusia izendatu zuten, eta 2014 arte aritu zen kargu horretan.^[5]

2014ko urriaren 20tik aurrera Talde Sozialistaren bozeramailea izan zen berriro Gaztela eta Leongo Gortean. Udal hauteskundeetan, 2015eko maiatzaren 24an, bere alderdiko bigrrea izan zen Valladolideko Udalean. Zinegotzi hautatu zuten eta Kultura eta Turismo Ordezkaritza hartu zuen bere gain.

Berdintasunerako ministroa

2023ko azaroaren 20an jakinarazi zen Espainiako Gobernuko Berdintasunerako ministro izendatu zutela.^[6]

Betetako karguak

Besteak bete, lan hauek egin ditu:^[1]

Valladolideko PSOEko Prestakuntza Idazkaria (2004-2008).
Valladoliden prokuradorea Gaztela eta Leongo Gortean (2007).
Talde Sozialistaren bozeramailea Gaztela eta Leongo Gortean (2007-2008).
Talde Sozialistaren bozeramailea Gaztela eta Leongo Gorteetan (2008-2011).
Talde Sozialistaren lehendakariordea Gaztela eta Leongo Gortean (2011-2014).
Gaztela eta Leongo PSOEko idazkariorde nagusia (2012-2014).
Talde Sozialistaren bozeramailea Gaztela eta Leongo Gortean (2014-2015).
Valladolideko Udaleko zinegotzia (2015-2023).
Valladolideko Udaleko Kultura eta Turismo zinegotzia (2015-2023).

Erreferentziak

↑ ^a ^b «Ana Redondo García» www.lamoncloa.gob.es (Noiz kontsultatua: 2024-01-18).
↑ Borraz, Ana Requena Aguilar, Marta. (2023-11-20). «Ana Redondo asumirá el ministerio de Igualdad» elDiario.es.
↑ ^a ^b Cadenas, Julia F.. (2023-11-20). «Quién es Ana Redondo, la nueva ministra de Igualdad doctora en Derecho Constitucional» Newtral.
↑ «Ana Redondo será la portavoz del grupo socialista en las Cortes» El Norte de Castilla 2008-09-18.
↑ «La leonesa Ángela Marqués y la vallisoletana Ana Redondo, vicesecretarias del PSOE regional» El Norte de Castilla 2012-04-15.
↑ Navarro, Isabel Valdés, Juan. (2023-11-20). «Ana Redondo, la ministra sorpresa para el feminismo» El País.

Kanpo estekak

Elkarrizketa Ana Redondori

Datuak: Q5674051
Multimedia: Ana Redondo / Q5674051

[:2-1] «Ana Redondo García» www.lamoncloa.gob.es (Noiz kontsultatua: 2024-01-18).

[2] Borraz, Ana Requena Aguilar, Marta. (2023-11-20). «Ana Redondo asumirá el ministerio de Igualdad» elDiario.es.

[:1-3] Cadenas, Julia F.. (2023-11-20). «Quién es Ana Redondo, la nueva ministra de Igualdad doctora en Derecho Constitucional» Newtral.

[4] «Ana Redondo será la portavoz del grupo socialista en las Cortes» El Norte de Castilla 2008-09-18.

[5] «La leonesa Ángela Marqués y la vallisoletana Ana Redondo, vicesecretarias del PSOE regional» El Norte de Castilla 2012-04-15.

[:0-6] Navarro, Isabel Valdés, Juan. (2023-11-20). «Ana Redondo, la ministra sorpresa para el feminismo» El País.

[1]

[2]

[3]

[4]

[5]

[6]