Irene Montero

Irene Montero
Espainiako Diputatuen Kongresuko diputatua 2016-07-08 - Barrutia: Madril Hautaketa: 2016ko Espainiako hauteskunde orokorrak Espainiako Diputatuen Kongresuko diputatua 2016-01-05 - 2016-07-19 Barrutia: Madril Hautaketa: 2015eko Espainiako hauteskunde orokorrak
Bizitza
Jaiotza	Madril, 1988ko otsailaren  13a (30 urte)
Herrialdea	Espainia
Familia
Bikotea(k)	Pablo Iglesias Turrión
Hezkuntza
Heziketa	Madrilgo Unibertsitate Autonomoa
Hizkuntzak	gaztelania
Jarduerak
Jarduerak	politikaria eta psikologoa
Sinesmenak eta ideologia
Alderdi politikoa	Podemos

Irene María Montero Gil (Madril, 1988ko otsailaren 13a) espainiar politikari eta psikologo bat da, Podemos alderdiko zuzendaritza batzordekoa. 2016ko urtarriletik aurrera, diputatua da Madriletik Espainiako Diputatuen Kongresuan eta, 2017ko otsailetik, Podemos-En Comú Podem-En Marea Talde Konfederaleko bozeramailea da kongresu horretan.

Ibilbidea

Moratalaz auzoan hazi zen, eta bertako Siglo XXI Ikastetxean eskolatu. 16 urtetik, herri mugimenduetan hasi zen ekintzaile, adibidez, Alderdi Komunistan. Psikologian lizentziatua da UAM Madrilgo Unibertsitate Autonomoan. Gero, Hezkuntzako Psikologia Masterra egin zuen. Une honetan, doktorego tesia egiten ari da hezkuntza inklusio eta hezkuntza lankidetzari buruz.

Moratalaz, La Elipa eta Ciudad Linealen bizi izan da.

Askotariko erreferentziak

Aitortu duenez, Angela Davis, Lev Lygotsky eta Maiatzeko Plazako Amonak ditu gogoko erreferentziak. Aldi berean, Antonio Gramsci jotzen du erreferentzia historiko intelektualtzat. Politikoki begiko ditu Brigada Internazionalak eta Hipotekak Erasandakoen Plataforma. Literaturan, Cien años de soledad (Gabriel García Márquez), La sonrisa etrusca (José Luis Sampedro) eta La mujer habitada (Gioconda Belli) eleberriak maite ditu gehien.