Agamemnonen maskara
| Agamemnonen maskara | |
|---|---|
 | |
| Jatorria | |
| Sortzailea(k) | ezezaguna |
| Sorrera-urtea | K.a. XVI. mendea |
| Izenburua | Mask of Agamemnon |
| Aurkikuntza lekua | Mizenas |
| Aurkikuntza data | 1876ko azaroaren 30a |
| Honen izena darama | Agamemnon |
| Aurkitzailea edo asmatzailea | Heinrich Schliemann |
| Ezaugarriak | |
| Materiala(k) | urrea |
| Dimentsioak | 0,025 ( ) × 0,017 ( ) m |
| Pisua | 168,5 gramo |
| Genero artistikoa | Mizenastar zibilizazioa |
| Kokapena | |
| Lekua | Atenasko Arkeologia Museo Nazionala |
| Bilduma | Atenasko Arkeologia Museo Nazionala |
Agamemnonen maskara, Heinrich Schliemann prusiar arkeologoak 1876an Mizenasko akropolian aurkitutako objektu arkeologiko bat da. Urrezko hil mozorro bat da, hilobian zegoen gorputz baten aurpegiaren gainean jarria aurkitu zena. V. Schliemannek, Agamemnon errege greziar ospetsuaren gorpua aurkitu zuela pentsatu zuen, eta, horregatik, mozorroak, bere izena jaso zuen. Hala ere, ikerketa arkeologiko modernoek, maskara, K.a. 1550 eta K.a. 1500 artean datatua egon daitekeela iradokitzen dute. K.a. 300. urtean, Agamemnonen bizitzari eman ohi zaiona baino lehenago (300 urte inguru)[1]. Hala ere, bere izena mantendu du. Maskara Atenasko Arkeologia Museo Nazionalean dago ikusgai[2], eta Mizenasko Arkeologia Museoak, berriz, haren kopia bat.
Aurkikuntza
[aldatu | aldatu iturburu kodea]Heinrich Schliemannek aurretik Mizenasko aztarnategia bisitatu eta baimenik gabe 34 ebaki ireki bazituen ere, indusketa ez zen ofizialki 1876 arte hasi.
Une horretatik aurrera, hiru hilabete besterik ez zituen behar izan ospea eman zion aurkikuntza aurkitzeko: hobi bertikaleko sei hilobiz osatutako multzo bat, A Zirkulua izenekoa, 18 pertsona eta hil hatu ikusgarri batzuk zituena[3]. Hilobiak lurrean zulatu ziren, 4-5 metroko sakoneran, eta lurra, hormak eta sabaia zituzten. Hildakoak, hilobiaren lurrean jartzen ziren, hil hatu eta animalien eskaintzekin batera, hilobiak habeekin ixten ziren, eta, ondoren, hilobia lurrarekin estaltzen zen, hobi bakoitzaren goialdean hilarri bat jarriz.
K.a. XVII. mendean datatuak daude. K.a. 38an, hilobiek, buruzagi gerlari edo noble baten edo gehiagoren familia zuten. Aurkitutako piezen kopuru handiak eta luxuak teoria hau babesten dute. Horien artean, 15 kg urre, metal honetako kopak, diademak, bitxiak, orratzak edo paparrekoak, brontzezko ezpata bat helduleku esmaltatuarekin, daga bat, hau ere brontzezkoa, ehiza eszena batekin eta hamahiru hilarrirekin. Hilobi hauen aurkikuntzari esker, mizenastar artearen lehen irudikapena zirenak, mizenastarrak oso herri komertziala zirela jakin zen, luxuari oso emana zegoen klase altu batekin, honela, kretar bezalako kulturen nolabaiteko eragina ere ikusten delarik. Misterio bat da herri ia mitiko honen gainbehera.
Deskribapena
[aldatu | aldatu iturburu kodea]A hilobietako zirkuluan aurkitutako hatua oso aberatsa da, koroak, ezpatak, kopak, labanak, Baltikoko anbarra eta hainbat maskara aurkitu baitira. Agamemnonen mozorroa, a hilobietako Zirkuluan aurkitutako bostetako bat da, hiru, IV. hilobian aurkituak izan ziren, eta, V. hilobian, bi aurkitu ziren. Gainera, III. hilobiko bi haurren aurpegi eta eskuak urrezko orri batez estalita zeuden, horietatik batek begientzako zuloak zituelarik.
Hilobiak benetakoak dira. Gizonen aurpegi guztiak ez zeuden maskaraz estalita, eta gerlariak izateak, euren hilobietan armak egoteak adierazten du. Urre eta diseinu zainduko objektu kopuruek ohorea, aberastasuna eta estatus soziala adierazten dute.
Erreferentziak
[aldatu | aldatu iturburu kodea]- ↑ «Behind the Mask of Agamemnon - Archaeology Magazine Archive» archive.archaeology.org (Noiz kontsultatua: 2020-04-30).
- ↑ (Ingelesez) «Collection of Mycenaean Antiquities» Eθνικό Αρχαιολογικό Μουσείο n (Noiz kontsultatua: 2020-04-30).
- ↑ (Ingelesez) Gere, Cathy. (2011-06-01). The Tomb of Agamemnon. Harvard University Press ISBN 978-0-674-06824-7. (Noiz kontsultatua: 2020-04-30).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q1126741
Multimedia: Agamemnon Mask / Q1126741