Ainbiriketa
Ainbiriketa taldeko haur-jolasa da. Juan Garmendia Larrañaga etnografoak Aian, Gipuzkoan, jaso zuen jokoaren inguruko informazioa.[1]
Arauak[aldatu | aldatu iturburu kodea]
Jolas hau herriko plazan edo eskolako atsedenaldian jolasten zuten neska-mutilek. Korroan jarri eta batek zenbakia esaten zuen oihuka eta zenbakia egokitzen zitzaiona kanpoan gelditzen zen, eta hala jarraitzen zen bakarra geratu arte; azken horri atxi deitzen zitzaion. Atxi izenekoa lagunen atzetik abiatzen zen eta bitartean hau abesten zuen: "Ainbira, maingira, harrapatu arte segi". Harrapatzen zuena horma edo zuhaitz baten kontra jartzen zuen. Berria harrapatutakoan, aurrekoari eskua emanda "katean" uzten zuen. Jolasean ari zirenetako batek atxiari ihes egin eta kateko norbait ukitzen bazuen, guztiak libre gelditzen ziren. Baina atxi horrek denak harrapatzen bazituen, bere lekuan beste atxi bat jartzen zuen. [2]
Antzeko jolasak[aldatu | aldatu iturburu kodea]
Aldaketa gutxi batzuekin beste hauek daude ere bai:
- Almariatxu (Latasan).
- Bale-baleka (Etxalarren).
- Axkenka.
- Balea (Leitzan).
Erreferentziak[aldatu | aldatu iturburu kodea]
- ↑ Juan Garmendia Larrañaga - Xabier Mendiguren Bereziartu: Juan Garmendia Larrañagaren hiztegi etnografikoa. Donostia: Ikastolen Elkartea, 2003. 23.or.
- ↑ https://aunamendi.eusko-ikaskuntza.eus/fr/ainbiriketa/ar-150236/