Al Erkiaga

Wikipedia, Entziklopedia askea
Al Erkiaga
Bizitza
JaiotzaBoise1935eko abuztuaren 21a
Herrialdea Ameriketako Estatu Batuak
HeriotzaBoise2022ko irailaren 10a (87 urte)
Hezkuntza
Hizkuntzakingelesa
Jarduerak
JarduerakEuskaltzaletasuna

Albert Victor Erkiaga (Boise, 1935eko abuztuaren 21a-2022ko irailaren 10a) euskal emigranteen semea, euskaltzalea eta euskal dantzen bultzatzailea Ameriketako Estatu Batuetan izan zen. North American Basque Organizations erakundearen lehen lehendakaria izan zen, 1973an. Oinkari dantza taldearen eta Biotzetik abesbatzaren kide sortzailea izan zen. Jaialdi bost urtetan behin ospatzen den festa erraldoiaren bultzatzailea izan zen.[1]

Biografia[aldatu | aldatu iturburu kodea]

Al Erquiaga 1935ean jaio zen Boisen. Aita Tomas Erquiaga ispastertarra, ama Anita Echevarria mallabiatarra ziren. Arreba Alice Erkiagakin batera euskal komunitateko parte hazi zen, Boisen eta Meridianen familia arrantxoan. Txikitandik ikasi zituen euskal dantza, kantu eta ohiturak. Adina heldutakoan, Erkiagak Juanita "Jay" Hormaechearen euskal dantza klaseetara joan zen. Geroago, 1960an, Euskal Herrira joan zen eta, ostean, berriro ere Boisen, Oinkari taldeko fundatzaileetako bat izan zen. 1973an, NABOren sorreran parte hartu eta federazioko lehenengo lehendakari hautatu zuten. 1986an, Biotzetik koralaren sortzaileetako bat izan zen. 1987an lehenengo Jaialdiren txanda heldu zen, 1990etik Diaspora osoan eta Estatu Batuetan barrena bost urtero euskal festa handi eta euskal kulturaren festagune eta erakuslehio nagusi izaten amaitu duen hitzordua. 87 urtez hil egin zen.

Center for Basque Studiesko kide zen Al Erkiaga.[2]

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]