Amarako kronologia

Donostiako (Gipuzkoa) Amara auzoaren kronologia da hau.

Urtea	Gertakaria	Iturriaren zenbakia (Ikus beherago)
1864	Burdin zubiaren inaugurazioa, Donostiara trenbidea iristearekin batera.	5
1874	Madrilen kudeatu zuten Amarako paduretan eta Zurriolako harresian obrak hasteko baimena. Udalak adierazi zuen harekin lana emango zitzaiela ehunka langileei, izan ere ordena publikoan arazoa ekarriko zuen negu hartan hainbeste jende lanik gabe egoteak.	11
1875	Udalak Gobernazio ministroari eskatu zion lizentzia, Urumea itsasadarrean itsasoari irabazitako sailak saldu edo hipotekatzeko, Amarako zonan, gerrak ezartzen zituen baliabide ekonomikoei buruzko neurriak hartzeko.	11
1893	Morlans-eko gas-fabrika berriaren hornidura hasi zen. Urtero 4 milioi metro kubiko ekoizteko ahalmena zuen.	11
1895	Amarako geltokitik atera zen kostaldeko lehen trena Zarautzerantz.	11
1895	Dokumentuan jaio zen Amarako Itsas Paduraren Zabalgunea, Jose Goikoa eta Nemesio Barrio arkitektoak proiektua aurkeztuta.	3,11
1903	Boulevardetik Amarara zihoan hiriko tranbiaren linea zabaldu zuten.	9,11
1903	Hernaniko trenbidea martxan jartzeak ekartzen zuen lehiari aurre egiteko, Donostiako Tranbiaren Konpainiak Amarako geltokira iristen zen bere linea propioa inauguratu zuen Azaroak 3an.	10
1905	Ordura arte Amarako zabalgunea inguratzen zuen Urumea ibaiaren desbideratzea baimendu zuen Sustapen Ministerioak.	9
1906	Zorroagako Babes Etxearen lehen harria jarri zuten, errege-erreginak bertan zirela. Errepublika garaia arte, Asilo Reina Victoria izena izan zuen.	11
1910	Victoria Erregina babes Etxearen inaugurazioa (egun Zorroaga zaharren egoitza), Marino Tabuyo alkatea buru izan zuen ekitaldi batez. Bere eraikuntzarako Tximitegi eta Zorroaga baserriak bota ziren.	11
1911	Urumeako ezkerraldeko bideratze horma burdinezko zubiraino iritsi zen. 1913an eskuinaldeko hormaren eraikitze lanarekin amaituko zen.	3
1912	Topoaren lehen bidaia. Bide estuko tren honek Donostia eta Frantziako mugaren arteko bidea egiten du.	1,11
1913	Horacio Azquetak, zinegotzi eta injineruak, ibaiari kendutako lur eremuan Amarako zabalgunea eraikitzeko proiektua aurkeztu zuen, Udaletxeak baimendua.	3,5
1914	Amarako Zabalgunearen eraikuntza lanen enkantearen oinarriak argitaratu ziren.	9
1915	Bi proiektu aurkeztu ziren, Horacio Azqueta eta José Gurrutxagarena alde batetik, eta Eugenio Vallarinorena bestetik.	9
1917	Saria bi proiektuen artean banatu zen erdibana.	9
1917	Amarako zabalgunea eraikitzeko aurrekontua onartu zen.
1919	Horacio Azqueta eta José Gurrutxagaren proiektuari eman zitzaion lehentasuna.	9
1921	Nuestra Señora de Aranzazu klinikaren inagurazioa. Ebakuntza zentro hau Ategorrietan zegoen. Fundatzaile eta zuzendaria Luis Aiestaran zen, eta espezialista onenak inguratu zituen: Olalde otorrinoa, Mozo doktorea urologian, Altolagirre doktorea ginekologiarako, eta Pesset doktorea laborategiko arduradun.	11
1922	1913an aurkeztutako planari aldaketak egin ondoren, Gobernu Ministerioak Zabalgune berriaren planoak onartuko zituen.	5
1922	Egungo Mendeurrenaren plazan Donostiako I Erakusketa Azoka inauguratu zen.	5
1924-1926	Urumea ibaia eta haren gaur egungo ibilbidea bideratzen hasi ziren eta, horretarako, Errota Txiki baserria bota.	12
1925	Eraikuntzak Amara Zaharrean.	1
1925	Arroka kaleko frontoia eraiki zen, honen aurretik Osasun iturriaren ondoan zegoen bat eraitsiz.	1
1925	Loiolara eraman aurretik, Mendeurrenaren plazan Hipika instalazioak ireki ziren.	9
1925	San Juan Festak ospatu ziren lehenengoz Mendeurrenaren plazan.	5
1925	Arranoarena bezala ezagutzen den etxea eraikitzen hasi ziren (Mendeurrenaren plaza, 5 eta 6 zenbakiak), Roberto García Ochoa arkitektoarena.	13
1926	Urumearen desbideratzea zela eta, zeremonia ofiziala. Obrak 1924. urtean hasi ziren.	3,9
1932	Burdin zubia konboi berrietara egokitzeko berritu zen.
1933	Baserrien desjabetze prozesuari eta hiribide nagusiko saneamendu eta zoru egokitzeari ekin zitzaion.	3
1934	Amarako Zabalgune Berria garatzeko planaren onarpena.	11
1935	Amararen zabalgunea burutzeko beste lehiaketa bat antolatu zen. Proiektu finalistak hiru ziren: García Mercadal, Aizpurua eta Matxinbarrena/Gaiztarro	3
1935	Matxinbarrena jaunak, udal obretako ingeniariak, berritze plan bat aurkeztu zuen horretarako lehiaketa deialdia berria deituta.	3
1936	Errondo pasealekuaren hasiera aerodromo izateko egokitu zen.	9
1940	Amarako zabalgune berria. Gaiztarrok eta Matxinbarrenak aurkeztutako proiektua onartuko zen, Azquetak eta Gurrutxagak 1922. urtean aurkeztutakoa baliogabetu zuena. Eraikigarritasuna nabarmen handitu zuen, betiere "bizitzeko ukitu egoki eta atsegina" mantenduz, sarreran ziotenaren arabera.	3,11
1943	Amarako stadium eta kirol zelaia inauguratu zuten, gaur Parke, Juan Jose Prado, Paseo Errondo eta Antso Jakitunaren kaleen inguguretan. Egungo Sahats plazaren parean zegoen.	11
1944	Amarako “sakelako estadioa” inauguratu zen, Sahats plazan. 1949. urtean desagertuko zen.	5,13
1943	Matxinbarrenak Amara Berriko narriadura urbanistiko historikoari ateak irekiko zizkioten udal ordenantzak proposatu zituen.	3
1943	Udalaren osoko bilkura. Aho batez onartu zuten Amarako Zabalgune Berrirako proiektuaren aldaketa, Juan Matxinbarrenak berak egina. Egileak honela laburtu zuen grafikoki: "Jasotako presioen indarrez, 1940an aurreikusitako 12,500 biztanleko kopurutik 50,000tik gorako behar batera igaro gara".	11
1945	Udalak baimena eman zuen Amarako Zabalgunean lehenbiziko etxe-blokea eraikitzeko, gaur egungo Antso Jakitunaren Hiribideko 2. zenbakikoa da.	11
1947	Antso Jakitunaren hiribideko lehen bi eraikinak. Lehenengo eraikina hasi zen: Araba Parkea 3, Antso Jakitunaren Hiribidea 2 eta Errondo Pasealekua 1. Luís Jesús Arizmendi izan zen egilea.	3,13
1947	Anoetako trenbide-pasagunea eraikitzea onartu zen.
1948	Araba Parkea 1 eta Bizkaia Pasealekua 2 eraikinaren obrak hasi ziren. Egileak, Joaquín Domínguez eta J.M. Ruíz Aizpuru ziren.	13
1948	Leyland firma britainiarraren trolebusek ordezkatu zuten Boulevard-Amarako geltokia linea egiten zuen tranbia urbanoa.	11
1948	Motozikleta lasterketa handiak hasi ziren Amarako Zabalguneko zirkuituan.	11
1948	Madril hiribidea, Frantziako Tourraren etapa baten helmuga.	9
1949	Sahats plazan zegoen Amarako estadioa desagertu zen.	13
1949	Santiago Mendi baserria desagertu zen.	15
1949	Frantziako Tourraren bederatzigarren etapa (Bordele-Donostia) hirira heldu zen. Louis Caput-ek irabazi zuen Amaran jarritako helmugan. 120 txirrindulari abiatu ziren lasterketan, 13 talde nazionaletan banatuta, eta edizio honetako irabazlea Fausto Coppi izan zen. Ekitaldia izugarrizko ikusmira lortu zuen hirian.	11
1949	Sanatorio Psikiatrikoa inauguratu zuten, ospitale inguruan.	11
1949	Autoen Lehen Zirkuitua ospatu zen, gero motorrena ere izango zena. Juan Kutz donostiarra nabarmendu zen.
1950	Gipuzkoako Nazioarteko III. Motor Saria, Amarako zirkuituan, Real Moto Club-ek antolatuta.	11
1950	Anoetako estadioaren inaugurazioa. Ekitaldian buru Franco izan zen, bere emazte Carmen Polo lagunduta, eta seguruaski frankismo osoan zehar hirian izan den agintari talde handienaz lagunduta.	11
1950	Gazteria Fronteak antolatutako kultura eta kirol jardunaldi batzuekin inauguratu zen Anoetako estadioa, 400 metrotakoa.	5
1950	Donostiako Plan Orokorra. Hamarkada hartan Pio XII.era iritsiko zen zabalgunea, “lehen gunea” deiturikoa.	1,3
1950	Trinketeko lehen harria jarri zen irailak 14
1950	Anoetako Trinket Kluba ireki zen.	1
1951	Lehortutako Amarako paduretan eraikitzen hasi ziren.	2
1952	Euskal Pilotaren Munduko Txapelketa egin zuten. Horretarako, udalak Anoetako pilotaleku irekiak, trinketa eta eta errebote plaza inauguratu ziren.	11,9
1952	San Juan de Dios klinikaren inaugurazioa.
1953	Anoeta estadioan hasi ziren Espainiako Atletismo Txapelketak. Hirian egiten ziren hirugarren aldia.	11
1953	Amara ospitalea inauguratu zen	9
1953	Tuberkulosiaren aurkako atala eta Osasun-Hiria inauguratu ziren.	9
1954	Anoeta estadioaren pista osagarria inauguratu zen, egun Izotz Jauregia dagoen lurzoruan.	5
1954	“Ciudad Deportiva Anoeta” deitutakoa inauguratu zen eta Arantzazuko Ama truonuratu zuten bertan	5
1954	Amaran Donostia-Irun-Hendaia linearen amaierako geltokia jarri zen (Topo izenez ezaguna den linea).	1
1955	Gobernu Zibilaren eta Espainiako Aurreikuspen Institutuaren eraikinak egin ziren.
1956	Zoo Cirkus Amarako zelaian kokatu zuten Aste Nagusian.	11
1956	Zabalguneko plaza batentzat Pio XII. izena onartu zen.	5
1956	Industria Perituen Eskola eta Gobernu Zibila inauguratu ziren.	9
1956	Peñaflorida Institutua eta Easo Institutu Politeknikoa Amarara ekarri zituzten	6
1956	Pio XII.aren plazan Gobernu Zibil berriraino iristen zen trolebus linea inauguratu zuten. Horrenbestez erantzun egin zioten aste batzuk lehenago gobernadoreak berak egindako eskaerari. Amara-Anoeta izena hartu zuen lineak.	11
1956	Xantinea taberna ireki zen.	14
1957	Rex Avenida zinema aretoa inauguratu zuten, Antso Jakitunaren Hiribidean; Glauco Pellegriniren Una pelliccia di visone filmaren gaztelaniazko bertisoarekin.	11
1957	Jose María Salaberria idazleari kale bat eskaintzea adostu zen.	5
1958	Anoetako estadioan Espainiako Atletismo Txapelketa hasi zen. Bi egun besterik ez zuten iraun.	11
1958	Amara auzoan, hau eraikuntza prozesuan sartuta zegoela erabat, Donostiako Txirrindularitzako Nazioarteko I. Criterium Handia egin zuten. Urte hartan eta hurrengoetan Frantziako Tourraren irabazleek parte hartu zuten: Luis Otaño, Charly Gaul, Raphael Geminiani, Louision Bobet, André Darrigade, Federico M. Bahamontes, Hortensio Bidaurreta eta Jean Stablinsky, besteak beste.	11
1958	Antso Jakitunaren hiribideko 29-31-33 zenbakietako eraikina erori zen. Zenbait langile hil ziren.	6,7
1958	Ezbehar larri bat gertatu zen. Arratsaldeko 5etan zarata handia eginez lurrera joan zen altxatzen ari ziren eraikin bat, egungo Antso Jakitunaren Hiribideko 29, zenbakikoa zehazki. 13 langile lurpean gelditu ziren, eta horietatik 7 hil ziren.	11
1958	Bolidoen Nazioarteko Lehen Zirkuitua.	8
1958	Madril hiribidea Espainiako Vueltako etapa baten helmuga izango zen.	9
1960	60. hamarkadatik aurrera, ibilgailuen zirkulazioa dela eta, Tranbiaren zerbitzua okerragotu zen.	10
1960	Trolebusa lehenengo aldiz Pio XII plazaraino iritsi zen.	5
1960	Hamar egunetan zehar zabalik egon zen Makina-erramintaren Erakusketa, ministro eta Sindikatuen idazkari nagusia Jose Solis Ruizek inauguratuta; bere diskurtsoan azpimarratu egin zuen industriaren sektore honek ekonomian zuen garrantzia, estatu osoko produkzioaren erdia Gipuzkoan egotearekin batera.	11
1960	ESSA hasi zen lanean; honetatik sortuko zen geroago Escuela Superior de Tecnicos de Empresa (ESTE) deitua izango zena.	11
1960	Probintziako Ospitalea eta Arantzazuko Erresidentziaren inaugurazioa	9
1960	Tranbia konpainiako sarea “Ciudad Sanitaria” zeritzon linearekin zabaldu zen. Ospitaletara zihoan errepide zaharrak arazoak ematen zituen bere bidean bi unitate gurutzatzen zirenean.	10,11
1960	Familia Santuari kale bat eskaintzea eta Sahats plazari izena jartzea adostu zen	5
1961	Astoria zinema aretoa, SADEren jabetzakoa, inauguratu zen, William Wylerren “Ben-Hur” filmarekin. Guztira 1524 pertsona har zitzakeen.	11
1961	Akademia pribatua zena irakaskuntzako zentro publiko bihurtu zen. Santo Tomas Lizeoak, euskarazko irakaskuntzako aitzindariak, ateak ireki zituen; sustatzaileak Koldo Mitxelena, Jose Migel Zumalabe eta Carlos Santamaria ziren. Lehen lokala Juan de Olazabal pasealekuan egon zen, egungo Bizkaia pasealekuan.	11
1961	Trolebusa Anoetaraino iritsi zen	5
1962	Hiri-antolamenduko Plan Orokorra. Handik aurrera Amarako zabalgunearen garapenak bultzada izango zuen.	2
1962	Kale batzuen izenak onartu ziren: Avenida Felipe IV, Pescadores de Terranova, Balleneros, Avenida de Madrid, Real Compañía Guipuzcoana de Caracas, Corsarios Vascos, Astilleros, Eibar, Paseo de Zorroaga, Isabel II eta Irún.	5
1963	Lehen aldiz, atal ofizialeko filmak areto batean eman zituzten, Astorian, Victoria Eugenia baino kaskarragoa nolabait protokolorako, baino nabarmen handiago. Urrezko Maskorra Alberto Lattuadaren “Mafioso” lanarentzat izan zen. Lee Remick, Yvette Mimieux, Alberto Sordi eta Leslie Caron izan ziren.	11
1963	Nuestra Señora de Aranzazu erresidentziaren inaugurazio ofiziala; aurreko urtearen amaiera inguruaz geroztik ari zen lanean.	11
1963	Anoetako pilotalekuaren inaugurazioa.	9
1964	Amararako Plan Partzial bat onartu zen.	3
1964	Instituto Usandizaga emakumeentzako sortu zen (Peñafloridakotik bananduz)	4
1965	Anoetako belodromoa eraiki zen	9
1965	Espainiako Txirrindularitza Txapelketak inauguratu zuen Anoetako belodromoa. Ekitaldian buru, Franco jenerala.	11
1965	Hiriaren historiako kirol ikuskizunik garrantzitsuena izan zen, Munduko Txirrindularitza Txapelketa. Lehenbiziko lau egunetan errepideko txapelketa egin zuten Lasarteko zirkuituan, eta hilaren 6tik 12ra bitartean pistakoa, belodromoan. Errepidekoan, eta euria barra-barra ari zuela, Tom Simpsonek irabazi zuen; podiumean Rudi Altig eta Roger Swerts izan zituen lagun.	11
1965	Club de Montaña Donostia auzo elkartea sortu zen. Bere helburua mendiko zaletasuna sustatzeaz gain, euskal ohiturak suspertzea zen.	5
1965-1966	Ikasbideren sorrera, Isabel II kaleko elkartean klaseak ematen jardun ziren ikasturte horretan lehenbizikoz 80 ikaslerekin
1967	elkartean klaseak ematen 120 ikasleri.elkartean klaseak ematen 120 ikasleri.	5
1966	Pio XIIko iturri argidunaren inaugurazioa Pio XII.aren plazan. Carlos Buigas ingeniariaren lan hau hiriari eman zion kolonia katalanak, “Amics de San Sebastian” eta Casal de Cataluña-ren bidez. Haur danborradak ibilbidea aldatu zuen, inaugurazio ekitaldian jotzeko. Ekitaldiaren buru Bartzelonako eta Donostiako alkateak, José Maria de Porcioles eta Jose Manuel Elosegi hurrenez hurren.	11
1966	Carmelo ikastetxearen inaugurazioa.	3
1966	Hezkuntza Ertaineko Peñaflorida institutuaren inaugurazioa	9
1966	Ministro kontseiluak Donostiako saihesbidearen eraikuntza onartu zen	9
1967	Eskuz banakoko finala Anoeta pilotalekuan. Hilario Azkaratek txapela berreskuratu zuen, Atano X.ari 22-18 irabazita.	11
1967	Pio XII.aren plazan karpa handi bat muntatu zuten, 1032 ikuslerentzat, Cinerama sistema berriaren proiekziorako.	11
1967	Ricardo del Campo atletismo memoriala. Anoeta estadioaren inaugurazioaz geroztik gehien bete zen aldian, Mahomed Gammoudi tunisiarrak irabazi zuen 5.000 metroko proban, 13 min 50s 6/10eko denbora bikainarekin.	11
1967	Familia Santuaren elizaren inaugurazioa, Pio XII.aren plazaren ondoan. Udalak lagatako 4,300m2 orube batean altxatu zuten. Lehen parrokoa Lino Salaberria izan zen.	9,11
1967	Tranbia Konpainiak autobus modelo berria sartu zuen, “Pegaso”. 80 unitaterekin enpresaren historian unitate gehien izan dituen modeloa bihurtuko zen.	10
1968	Eskuz banakako finala Anoeta pilotalekuan. Oraingoan Atano X.ak Azkarateri 22-17ko emaitzaz irabaziko zion.	11
1968	Kobratzailearen figura desagertu zen udal autobusetatik. Aurrerantzean gidariak berak kobratuko zien bidaiariei, tornuaren bidez. Sistema berria erabili zuen lehen linea Boulevard-Ospitaleak izan zen.	11
1968	11.500 pertsona izan ziren belodromoan, hau artean estaltzeke zegoen, Jose Manuel Ibar Urtainen aurkezpen borrokaldia ikusten.	11
1969	Miramongo Zentroa inauguratu zuten, Aurrezki Kutxa Munizipalaren gizarte ekintzarik garrantzitsuena seguruenik. Atzeratuentzako Zentroak, 1,119,751m2ko eremu batean eraikiak, 210 haur har zitzakeen.	11
1970	Anoeta kirol gunea eraiki zen.
1970	Mendeurrenaren plazan Ricardo Ugarteren “Estela” obra inauguratu zuten, Donostia Hiriko I. Eskultura Bienalean irabazle geratua baitzen.	11
1970	Anoeta pilotalekuan Pilotako Munduko VII. Txapelketa inauguratu zuten. Joseba Elosegik kantxara egin zuen salto, bere buruari su emanda, Franco jeneralaren aurrean, “Gora Euskadi askatuta” deiadar eginez.	11
1971	Udalbatzak Donostiako auzo berrietako kale eta plazetarako izenak onartu zituen. Irizpide nagusia izan zen “gure orografiko mendi eta mendilerroen izenak jartzea Loiola eta Astigarraga auzoetan”, eta beste batzuetan, berriz, “antzina tokiari izena ematen zioten baserri eta parke izenak”; salbuespena Pio Baroja eta Gregorio Marañon bideak ziren.	11
1971	Gros eta Amara-Anoetara zihoazen trolebusak kendu ziren.	10
1971	Autobusek Amara-Anoeta linea egiten zuten trolebusak ordezkatu zituzten.
1971	Catalina de Erauso eskolak haur hezkuntza jarri zuen martxan.	3
1972	Apendizea eta 22. Poligonoaren (gero Amara-Osinaga izango zena) Plan Partziala onartu zen.	3
1972	Izotz jauregia inauguratu zuten, Anoetako kirol-gunean.	11
1972	Egun erabakigarria hiriarentzat. Saihesbide berriaren erresistentzia probak egin zituzten; eta emaitza positiboa izan zenez, zabaldu ahal zituzten. 12 km luze eta 22 zubi, ibilgailu trafikoa Donostia erditik desbideratzeko.	11
1972	Donostiako Saihesbidearen lehen fasearen inaugurazioa. Lanek Amara eta Anoetako baserriak botatzea ekarri zuten: Ordago, Errotatxo, Anoeta eta Illunbe baserriak, alegia.	9
1973	Loiolara iristen den saihesbidearen zatiaren inaugurazioa.
1972	Astoria antzokian, Manuel Olaizola Uztapide bertsolariari omenaldia, ahantzi ezineko lagunen partaidetzaz, tartean baitziren Basarri, Xalbador, Mattin, Garmendia, Lazcano, Lizaso, Mugartegi, Egileor eta Arozamena.	11
1973	Belodromoa estali zen.	9
1973	Pista estaliko Txirrindularitzako Mundu Txapelketak hasi ziren belodromoan. Egoitza ofiziala Bartzelona zen, eta han antolatu zituzten errepideko lasterketak.	11
1973	C.D. Donostiako danborrada, Amara Berriko lehena.
1974	Amarako ospitala, “Torax ospitala” izena hartzen hasi zen.	9
1974	Belodromoan ekitaldi ikusgarria, izotz gaineko “Holiday on ice” errebistarena.	11
1974	Karmelo Balda pilotalekuaren inaugurazioa.	5
1974	Taranbiaren konpainiaren lehen auzo arteko zerbitzua: Gros-Amara autobus linea martxan jarri zen.	5,1
1975	Policlinica Gipuzkoa-ren inaugurazioa, Miramonen.	11
1975	X. Jazzaldia hasi zen, luxuzko kartel batez: Oscar Peterson, Dizzy Gillespie eta Ella Fitzgerald handia; honek 8.000 ikuslerekin, bete egin zuen belodromoa.	11
1975	Anoetako estadioan Espainiako Atletismo Txapelketak hasi ziren; hiru egun iraun zuten. Mariano Harok marka izugarria ezarri zuen 10.000 metroko lasterketan: 28 min 55s 6/10. Antonio Camposek 3.000 metro oztopoduneko estatuko marka hobetu zuen, 8 min 21s 2/10 eginda.	11
1975	Donostiako saihesbidearen hirugarren fasea bulkatu zen.	9
1976	Euskal aizkolarien eta australiarren arteko lehenbiziko lehia, zortzi mila ikusletik gora belodromoan. Mindegia, Arria II.a eta Astibia, txandaka, Jackson, Schafferius eta Whiteside-ren kontra. Australia nagusi, 59min 31s-ko denborarekin, Euskal Herriak 60min 55s behar izan baitzuen.	11
1976	Carmelo Balda pilotalekua jendez gainezka zegoela, omenaldi hunkigarria egin zioten Jose Manuel Iztueta Lazkao Txiki bertsolariari.	11
1976	Gertakari historikoa Belodromoan. Herri Irratiak “24 ordu euskaraz” ekitaldia antolatu zuen; euskal kantu eta folklorearen interpreterik nabarmenenek hartu zuten parte. 12.000 ikusle izan ziren barrutian.	11
1977	Belodromoko pista estalia inauguratu zen, Europako Absolutuen Txapelketarekin batera.	5
1977	Belodromoa, Udal Kirol Jauregia deitzera pasa zen (baina jendeak Belodromo deitzen jarraituko du)	9
1977	Udal Kirol Jauregia. 11.000 pertsona Santana eta Paco de Luciaren kontzertuan	11
1977	Anoetako dorrearen eraikuntza bukatu zen.
1978	Amara Berri ikastetxeak ateak ireki zituen.	3
1979	Ikasbideko gela batzuk Txuri-Urdinera lekualdatu zituzten.
1979	Udalbatza historikoa, gai bakarra mahai gainean: Donostiako 17 kale eta plazaren izena aldatzea eta berreskuratzea. Hala, Paseo de Jose Antonio Paseo Berria bihurtuko zen; Avenida de España, Hiribidea; Hiribidea; Generalisimo, Zurriola; 18 de julio, Konstituzio plaza; Victor Pradera, Easo; Hermanos Iturrino, Arrasate; Oriamendi, Autonomia; Calle del Parque, Parque Araba; etab.	11
1979	Arbide dorreen inaugurazio ofiziala, Miramonen. Aurrezki Kutxa Munizipalak dorreak Foruen Pasealekuan zuten tokitik lekualdatu eta berreraiki egin zituen; horretarako, 6.320 piezetan banatu zituzten.	11
1979	Mitina Udal Kirol Jauregian, belodromoan, Gernikako Estatutuaren alde. 15.000 pertsona inguru izan ziren.	11
1980	Bertsolari txapelketa Carmelo Balda pilotalekuan, goiz eta arratsaldeko saioetan banatuta, Euskaltzaindiak antolaturik. Xabier Amuritza txapeldun, Ion Enbeita bigarren.	11
1980	Omenaldia Errealari, egindako kanpaina izugarriagatik Herriko elkarteen ekimenez, KTEk afari bat antolatu zuen Udal Kirol Jauregian; bi mila pertsonatik gora izan ziren.	11
1980	XLI. Musika Hamabostaldia. Maurice Bejart-en Ballet del Siglo XX-ren emanaldi mitikoak Astoria antzokian.	11
1981	Gran Soleko Arrantzaleen izena onartu zen.	5
1981	1967az geroztik urtero bezala, Donostiako KTEk Bertsolari Eguna antolatu zuen. Carmelo Balda pilotalekuan izan zen, eta Loidisaletxe eta Paulo Txikia omendu zituzten, bi mila pertsonen aurrean.	11
1981	Udalaren iritziz Pio XII.aren plaza zen autobus geltokia jartzeko lekurik egokiena.	11
1981	Chick Corearen kontzertuak ikusle kopuruaren marka ezarri zuen Jazzaldiaren historian: 14,000 ikusle belodromoan.	11
1981	Antigua-Amara autobus linea martxan jarri zen.	5
1982	Euskadiko Orkestra sinfonikoa eratu zen, ofizialki; egoitza Donostian izango zuen.	11
1982	Buruko isuri baten ondorioz 46 urte zituela hil zen Jose Antonio Gasca polifazetikoa. Atletico San Sebastian-en fundatzailea eta lehen presidentea, dena izan zen klubaren saskibaloi taldearentzat: kirol zuzendari, entrenatzailea, managerra eta sustatzailea. 1967an Ligako lehen mailara eraman zuen taldea. 1975ean Askatuak sortu zuen eta federazioarekiko gorabeherak etengabeak izan ziren. Anoetako kiroldegiak haren izena du gaur egun.	11
1982	Tranbia konpainiak autobus modelo berria sartu zuen Donostian, Pegaso 6038. 1986. urtera arte 41 unitate erosi ziren 200-240 seriean matrikulatuak	10
1983	Eusko Trenbideak-en Easo plazako geltoki zaharra bota zuten. Ekitaldi sinbolikoan, Javier Lasagabaster Eusko Jaurlaritzaren Garraio sailburua eta Jesus Maria Alkain alkatea izan ziren protagonista, pikatxoiak eskuan. Behin-behineko eraikina zen, 1894an altxatua, baina 89 urte iraun zuen.	11
1983	Hiru egunetan zehar Espainiako Atletismo Txapelketa izan zen Anoetan.
1983	Miramongo parkean produkzio-gune bat sortzea erabaki zuen EITB erakunde publikoak.	11
1984	Amara Berri Kirol Elkartea sortu zuten, Amara Berri eta Ikasbideko guraso talde batek.	5
1984	Mike Oldfieldek hamar mila ikusle inguru bildu zituen belodromoan, kontzertu gogoangarri batean.	11
1985	Paco Yoldi hil zen. Anoetako igerilekuek bere izena hartuko zuten.	9
1986	Ikasbide ikastola, Txuri-Urdinetik Jose María Salaberriako egoitzara aldatu zen. Egoitza zaharra Elkarteko jardueretarako eraberritu zen.	5
1986	Zinemaldiaren XXXIV. Edizioa. Diego Galan ordezkari nagusi izendatu, eta Anoetako belodromoko lehenbiziko zine-maratoia antolatu zuen, “munduko zinema-areto handiena” bihurtuz. Ikusleen erantzuna masiboa izan zen, eta Oliver Stone harri eta zur, bere “Salvador” filma aurkeztu zuenean. Maria Cristina hotelean obrak egiten ari zirela, ohorezko gonbidatuek Aieteko jauregia izan zuten ostatu. Donostiatik igaro ziren, halaber, Ursula Andress, Ali macGraw, Gregory Peck, Sergio Leone... Urrezko Maskorra Manuel Gutierrez Aragonen “La mitad del cielo” lanak eraman zuen.	5,11
1987	Enpresaren mendeurrenarekin batera, Tranbia Konpainiak modelo berri bat sartu zuen, Mercedes 0.405.
1987	Belodromoan musika-zine saioak antolatu zituzten.	11
1988	Astoria zinema itxi zen, multizinema bihurtzeko, Emile Ardolinoren “Dirty dancing” filma eskainiz.	5
1988	Gipuzkoako Foru Aldundiak Apendizea eta 22. Poligonoaren (Amara-Osinaga) Plan orokorraren aldaketa onartu zuen.	3
1989	Astoria zinearen berrinaugurazioa, zazpi aretorekin.	5
1990	Kostako trenaren geltoki berria martxan hasi zen. Xabier Untzurruntzaga arkitektoak egindako lan hau bikain txertatu zen Easo plazaren arkitekturan.	11
1990	Mundaizko zubiaren inaugurazioa.	11
1990	Musika Hamabostaldiaren egitarauaren barnean, Placido Domingo tenoreak errezitaldi ahaztezina eskaini zuen Anoetako kiroldegian.	11
1990	Gantxegi baserriaren desagertu zen, Anoetako ingurutan geratzen zen azkena	9
1991	Binakako Pilota Txapelketaren finala Anoeta Pilotalekuan. Retegi eta Arretxek 22-Salaberria eta Galartzak 19.	11
1991	Belodromoa gainezka, txirrindularitzaren klasiko baterako prest: Euskadiko Sei Orduak ziren. Proba nagusian Wilde-Veggerbi bikoteak irabazi zuen; itzuli bateko aldea kendu zion Olano-Cabestany bikoteari.	11
1991	Pio XII.a plazaren ingurua erabat berrantolatzeko proiektua; aparkaleku handi bat, hotela eta autobus geltokia jasotzen zuen.	11
1991	Anoeta pilotalekuan Ladis Galarzak 22-15 irabazi zion Julian Retegiri eskuz banakako txapelketaren finalean.	11
1991	Pedro Martinez Artola S.A.-ri lizentzia eman zioten, Amara gainean golf zelai bat egiteko. Basozabal klub berriak 18 zulo izango zituen, 6,3 kilometroko ibilbide batez.	11
1991	Aste Nagusian bete.betean sarturik, ETAko hiru militante hil zituen Guardia Zibilak Morlansko auzoko Tolaretxe etxean.	11
1991	Pio XII.a plaza birmoldatzeko proiektua atzera bota zuten; besteak beste autobus geltokia aurreikusten zuen bertan. Ingurumenari lotutako arrazoiak alegatu zituzten, eta trafikoan izango zuen eragina.	11
1991	Rex Avenida zinearen itxiera, Mark Goldblatt-en “Estamos muertos” filmarekin	5
1992	Aita Donostia izena onartu zen (Futbol estadioaren aurrean, Errondo eta Ilunbe eta Madril hiribidea biltzen diren biribilguneari emango zaion izena)	5
1992	Anoeta pilotalekuan, eskuz banakako Txapelketaren finala: Ladis Galarza, 22-Julian Retegi, 12	11
1992	Amara Plaza Hotelaren proiektua, Luís Peña Ganchegui eta Mario Sangallirena.	13
1992	Futboleko Donosti Cup-en lehen edizioa. Aste Nagusi osoan zehar jokatu zen. Espainia, Frantzia eta Italiako 32 talde aritu ziren. Inaugurazio partida Errealaren eta Athleticen jubenilen arteko derbya izan zen. Ohorezko sakea Iñaki Alkizak egin zuen, Realaren presidentea baitzen une hartan. Hasiera apal hartatik, gaur egungo apoteosiraino iritsi da ekitaldia.	11
1992	Belodromoan tokien erdia beteta Julio Iglesias entzuteko, Donostian eskainitako azken emanalditik hamalau urte igaroak zirela.	11
1992	Iron Maiden talde britainiarraren emanaldia, goraino betetako Anoetako Kirol jauregian (Belodromoa).	11
1993	Kale batzuen izenak onartu ziren; Baldomero Anabitarte, Illunbe, Martzelino Soroa, Santesteban Musikaria, Ignacio Merkader, Toribio Alzaga, Kontsulatu, Ricardo Izagirre, Gracia Olazabal eta Azkoitia.	5
1993	Peter Gabrielen emanaldia Donostian.
1993	Amaiur parkearen inaugurazioa.	5?
1993	Anoetako estadioan eta futbol zelaiaren inaugurazioa, Junior mailako Europako Atletismo Txapelketekin.	5,11
1993	Anoetako estadioko lehenbiziko futbol partida, Errealaren eta Real Madrilen arteko adiskidetasunezkoa. Emaitza binako berdinketa izan zen. Lorenek sartu zuen estadioaren historiako estreinako gola. Luz Casal, Oskorri eta Javier Gurruchagak parte hartu zuten aurretik izandako inaugurazio ekitaldian.	11
1993	Luis Peña Gantxegi arkitektoaren obra den Amara Plaza hotelaren ireki zuten, ondoko lurrazpiko aparkalekuarekin batera; honetan, egoiliarrentzako solairu bat eta errotazio sistemako 350 plaza daude.	11
1993	Anoetako estadioko lehenbiziko lehiaketa partida, Errealaren eta Zaragozaren artekoa. Partidaren emaitza 2-2 izan zen.	11
1993	1990ko hamarkadan Anoeta (1993) eta Morlans (1999) trenbide zati txikiak lurperatu ziren.
1994	Hiru egunetan zehar, Espainiako Atletismo Txapelketak izan ziren Anoeta. 1914an hasi zirenetik Txapelketak Donostian egiten ziren bosgarren aldia zen.	11
1994	Pink Floyden kontzertua Anoetako estadioan, 35.000 ikusleren aurrean.	11
1994	Amara Berriko Guraso Elkartearen danborrada. Hurrengo urteetan, auzoan danborrada talde berriak agertu ziren.	5
1994	Ikasbide Ikastola publikoa bihurtu zen.
1994	Santiago Mendi Elkartea inauguratu zen.	15
1994	80ko hamarkadan Konstituzio enparantzan igandetan funtzionatzen zuen kaleko azoka txikia Urumearen eskuin ibaiertzera eraman zen eta, urte honetan, Anoeta Estadioaren inguruetara ekarri zen.	1
1995	Behin betiko onartu zuten Donostiako Hiri Antolaketako Plan Orokorra. Honek finkatu egin zuen hiriaren garapen eredua, ezen lurzoruaren erabilera, etxebizitza sustapena, hiriko trafikoaren tratamendua, mota guztietako zerbitzu hornidurak, ekipamendu handiak eta azpiegiturak arautuko zituen: besteren artean honakoak erabakiko ziren: Anoetako estadioa eta kirol gunerako neurriak hartzea, Kursaaleko auditorioa sortzea, Topoa lurperatzea, geltoki intermodala egitea, auzoetan kirol instalazioak egitea eta honadakin-urak araztea proiektatzen zituen, besteak beste.	9,11
1995	Anoetako pilotalekuari Atano III.a izena eman zitzaion.	9
1995	Amara-Osinagako kale bati Gregorio Ordoñez izena jartzea adostu zen.	5
1996	Irun Plazaren inagurazioa, bertan Aitor Mendizabalen “Zubieta” izeneko iturria nabarmentzn delarik.	5
1996	Arcco merkatalgunea inaguratu zen	5?
1996	Atano III.a pilotalekuan, eskuz binakako txapelketaren finala: Capellan-Beloki 22- Etxaniz-Arretxe 18,	11
1996	Eskuz banakako txapelketako finala. Donostiako Atano III.a pilotalekuan: Eugi 22- Arretxe 18,	11
1996	Aieteko Katxola baserria, XVIII.mendeko sagardotegia eta Kutxaren jabetzakoa, desmuntatu eta inguruko zona batean berreraikitzea erabaki zuten. Izan ere, Oriamendiko errepidea zabaldu egin behar zuten.	11
1996	Eguraldi txarrak ez zion distirarik kendu urte honetako Jazzaldiaren edizioari. Trinitate plazan euritako pontxoak banatu zituzten eta eguraldiak okerrera egin zuelarik azken kontzertuak Anoetako kiroldegira aldatu zituzten. Hank Jones, Joe Henderson, Terence Blanchard eta Horace Silver-en kontzertu bikaina.	11
1996	Santiagomendi elkarteko bost bazkidek beren danborrada sortzeko proiektuaren aurkezpena.	5
1997	Urtoki Elkarte gastronomikoko lehen zuzendaritza. 1998. urtean izan zuen bere inaugurazio ofiziala.	5
1998	Trinketa denboraldi batez itxiko zen.
1998	Urtoki Elkartearen inaugurazioa.	9
1997	Miramongo Teknologi Elkartegia lanean hasi zen.	11
1997	Eskuz banakako finala txapelketaren finala Anoeta pilotalekuan: Arretxe 22-Elkoro 18.	11
1997	Donostiako Orfeoiaren Mendeurreneko Kontzertua, Anoetako estadioan. Beste interprete batzuen artean, Mikel Laboak emanaldi ahaztezina eskaini zuen.	11
1997	Lehendakariak ofizialki inauguratu zuen Miramongo Teknologi Parkea; ordurako eraikinetan dagoeneko enpresak eta beste hainbat erakunde ziren.	11
1998	Anoetako estadioan hasi ziren Espainiako Atletismo Txapelketak.	11
1998	Illunbeko zinema aretoen inaugurazioa.	1
1998	Lagun Berriak danborradaren estreinaldia.	5?
1998	Illunbeko zezen plaza berriak ateak ireki zituen. Artean estalki bilkorra falta zitzaion. Goizean bedeinkatu egin zuten, agintari eta zaleen aurrean. Arratsaldean, plaza beteta zegoela, Gaztelubide danborradak zezentokian desfilatu ondoren, Jose Maria Manzanares, Enrique Ponce eta F. Rivera Ordoñez toreadoreak Torrestrella ganadutegiaren sei zezen toreatu zituzten.	11
1998	Peñaflorida-Usandizaga ikastetxeen bateratzea.	4
1998	Gasometroa eratisi zen	1
1999	Txuri Urdin izotz jauregiaren birmoldaketa.	9
1999	Ikasbide Kultur Elkartea danborradaren estreinaldia.	5?
1999	Amara-Osinaga Auzo Elkartearen egoitzaren inaugurazioa.	5
1999	1990ko hamarkadan Anoeta (1993) eta Morlans (1999) trenbide zati txikiak lurperatu ziren.
2000	Autobus geltokia kokatzeko aukerei buruzko azterlanen aurkezpena. Kontuan hartutako aukerak honakoak izan ziren: Araba Parkea, Madril Hiribidea (lur gainean) eta Loiolako Erriberak.	11
2000	Mundaiz zubiaren inaugurazioa.	5
2000	Amarakaldek, kalderero konpartsaren lehen agerraldia.	5
2001	Zientziaren Kutxaguneko museoa inauguratu zuten, erreferentziazko helburu batez: alfabetizazio eta dibulgazio zientifikoa, inguru ez-formal eta dibertigarri batean. Hasiera batean, 10 areto tematiko zeuzkan, eta guztira 165 esperimentu interaktibo. Pixkanaka-pixkanaka esperimentu lantegiak sartuko zituzten, aretoko animazioak zuzenez, eta hainbat ikastaro, eta 2000ko urtearen hasieran Espainian instalatutako lehenbiziko planetario digitala inauguratu zuten.	11
2001	Andoni Egaña bere hirugarren txapela irabazi zuen belodromo bete batean egindako Bertsolari Txapelketaren finalean.	11
2001	Ernest Lluch kultura etxearen inaugurazioa, Anoetako estadioan.	9
2002	Francisco de Leon arkitektoak Loiolako Erriberetako geltoki intermodalaren proiektua aurkeztu zuen. Udalak eta Foru Aldundiak elkarrekin egin zioten enkargua, bi urte lehenago proposatutako alternatiben artean aukeratu ostean. Funtsezko elementutzat aurreikusten zuen seigarren zubia eraikitzea.	11
2002	Amara Parke berregokitua zabaldu zuten atzera, lanetan hamar hilabete eman ostean. Goitik behera birmoldatu zuten, diseinua modernizatuz, zuhamuxka espezie gehiago sartuz, haurren jolas-eremua bereiziz, “zapaltzeko” berdeguneak prestatuz eta egoteko hainbat zona sortuz, besteak beste. Guztirako kostua bi milioi eurotik hurbil egin zen.	11
2003	Anoetako trinketea eta Keops dantzalekua eraitsi zuten.
2003	Donostiako Atano III.a pilotalekua. Koka eta Beloki irabazle binakako txapelketan, Olaizola I.ari eta Pascuali 22-15 irabazita.	11
2003	Hirian bi ospakizun izan ziren. Erdialdeko kaleetan, Gay Harrotasunarena izan zen; eta belodromoan, euskal preso politikoen kolektiboarena, “gatazka konponbidean” parte hartzea exijitzen baitzuen.	11
2004	1910ean eraikitako Zorroagako elizak ateak ireki zituen atzera, berriturik. Inbertsioa 1,3 milioi eurokoa izan zen.	11
2004	Anoetako belodromoa. Ekitaldi jendetsu batean, ezker abertzaleak bere helburuak eta bakerako proposamenak aurkeztu zituen, bere iritziz horien atzetik etor zitekeen etorkizunarekin batera.	11
2004	Anoetako igerileku estaliaren inaugurazioa.	9
2004	Astoria zinemak ateak itxi zituen.	1
2005	Udal Kirol Jauregiari Antonio Elorza izena jartzen zaio. (Belodromo bezala ezagutzen dena)	9
2005	U2ren kontzertua Anoetako estadioan; 47.000 pertsona izan ziren.	11
2005	Beteranoentzako Munduko Atletismo Txapelketak hasi ziren Anoetan.	11
2006	Illunbe zinemak ateak itxi zituen.	1
2006	Errugbia Anoetako estadioan. Heineken Cup final-erdiak Biarritz Olimpique eta Bath Rugbyren artean.	11
2006	21.000 ikusle baino gehiagok gozatu zuten Anoeta estadioan Depeche Mode hirukote britainiarraren pop electrinikoaz.	11
2006	Bioteknologia eta berrikuntzarako Biomagune zentroa martxan jarri zuten Miramongo Teknologi Parkean.	11
2006	Amara Berriko anbulatorioaren inaugurazioa, Javier Barkaiztegi kalean.	9
2007	Miramongo Teknologi Parkean Donostiako Orfeoiaren egoitzarako partzela bat lagatzea onartu zuen Udalak.	11
2007	Ligako azken jardunaldian, eta Mestallan 3-3 emaitza lortu arren, Erreala bigarren mailara jaitsi zen, lehen mailan 40 denboraldi jarraian eman ondoren.	11
2007	The Rolling Stones taldearen kontzertua Anoetako estadioan.	11
2007	Anoetan Espainiako Atletismo Txapelketak hasi ziren. Donostian egiten ziren zortzigarren aldia zen.	11
2007	Gas fabrika deitua historia da jada. Egun honetan makinak eraiste lanetan hasi ziren; izan ere, eraikinak ez zuen hirigintzako babesik.	11
2008	Bruce Springsteenen kontzertua Anoetako estadioan.	11
2009	Intituto Oncológico-Onkologikoa inauguratu zuten, Zorroagako ospitale inguruan. Kutxak 60 milioitik gora inbertitu zuen obra honetan.	11
2009	Amara-Ibaeta bidegorria zabaldu zuten, Morlanseko tunel zaharretik zehar. 840 metroko ibilbidea argiz, segurtasun kameraz eta interfonoz hornituta.	11
2009	Errealaren mendeurrenaren zeremonia ospatu zuten Anoetako estadioan. Real Madrilek, berau baitzen ohorezko gonbidatua, 0-2 irabazi zion Errealari.	11
2010	Gas-fabrikaren lurretan, 7,000 metro koadroko eremuan, Amara Berri Ikastetxe Publikoa inauguratu zuten, Morlanseko ikastetxe berria. Hirurehun ikasle hartzeko gaitasuna zuen.	11
2010	Urumearen pasealekua zabaldu zioten jendeari, Loiola auzoa Erriberekin eta Burdin Zubiarekin lotzeko.	11
2010	Bigarren mailan hiru denboraldi egin eta gero, Errealak Lehen Mailara igotzea lortu zuen Vigoko R.C. Celtari 2-0 irabazita.	11
2010	U2ren emanaldia Anoetako estadioan, 46.000 mila pertsonaren aurrean.	11
2010	Jose Antonio Agirre zubiaren inaugurazioa.	9
2010	Donostiako Realaren zubiaren inaugurazioa	9
2011	Trafikora zabaldu zuten GI-40 bide berria, ospitaleetarako lotura zuzena; horrek Amaratik 20 mila ibilgailu igarotzea saihestuko zuen aurrerantzean.	11
2011	Iesu elizaren inaugurazioa. Rafael Moneoren lana. Loiolako Erriberetan dago, Oroimenaren lorategiaren ondoan.	11
2011	Errealak banako berdinketa lortu zuen Getaferen aurka Anoetan; horrenbestez, Lehen Mailari eutsi zion.	11
2011	Donostiako zientzia arloko erreferentziazko gune gisa finkatu zen I+G+b+n. Egun honetatik aurrera, Miramonen egongo zen estatuko bioingenieritza aplikatuaren lehen zentroa	11
2011	Geltoki intermodala Atotxatik Erriberetara aldatzea adostu zuten Bilduk eta PPk.	11
2011	Bilduk sostengurik gabe geratu zen autobus geltokia Erriberetara aldatzeko. PPk, lehen babesa eman bazion ere, atzera egin zuen, Aldundiak eta udalak metroari ezetza eman ostean.	11
2012	Lagun Aro Gipuzkoa Basketek historian lehen aldiz irabazi zion Real Madrili (98-90) eta festa handia izan zen Illunben.	11
2012	Argi berdea Anoeta birmoldatzeko. Udalak eta Errealak lehen akordio bat lortu zuten, estadioko pistak kentzeko.	11
2012	Autobus geltokia. Bildu babesik gabe geratu zen Loiolako Erriberetan egiteko. PSE, PP eta EAJ kokapen horren kontra agertu ziren osoko bilkuran, eta Atotxakoaren alde.	11
2012	Bruce Springsteenek, 40.000 ikusleren aurrean, “Boss” izaten segitzen zuela erakutsi zuen Anoetan.	11
2012	Futboleko Donosti Cup-en inaugurazio ekitaldia. Honetan 392 talde izan ziren partaide, horietatik 78 emakumezkoenak, eta guztira 27 herrialdetako 7.500 parte-hartzaile.	11
2012	Lapur bat hilik eta ertzain bat zurituta, Felipe IV.aren etorbidean La Caixaren sukurtsal baten asaltoan.	11
2013	Illunbe zezenplazaren itxiera	?
2015	Basterretxearen Pakearen Usoa kendu
2015	Carlos I saihesbidearen auzia
2015	Easo kaleko etxeak botatzen hasi dira.	Maiatzak 30
2015	Gobernu zibila lekuz aldatuta
2015	INSSeko bulegoak Loiolako Errriberatara eraman
	Peñaflorida berria ireki
	Hizkuntz eskol ofiziala Usandizaga insitutura ekarri

Bibliografia

«Breve historia de Amara» La Voz de Amara. Diario Amaratarrra 1. 2011.

ITURRIAK
1	Gomez Piñeiro, Javier	Geografía e historia de Donostia-San Sebastián
2	Euskomedia		http://www.euskomedia.org/aunamendi/45927/115989?q=AMARA&partialfields=fondo%3Aau%25F1amendi&numreg=36&start=30
3	Elejalde Aldama, Felix	Amara Berri: un estudio sobre el barrio	http://issuu.com/amaraliburutegia/docs/amara_berri_un_estudio_sobre_el_bar
4	Usandizaga		http://www.usandizaga.com/sarrera.cfm?hizkuntza=0&atala=programa&izenburua=Ik
5	Sada, Javier	Abril 1996-2006 Apirila: 10 años = 10 urte.	http://issuu.com/amaraliburutegia/docs/revista_10___aniversario_avao
6	DUA	Donostiako udal Artxiboa Lib 2295, exp. 3
7	ABC
8	ABC
9	Sada, Javier	Amarako ahotsa
10	Olaizola Elordi, Juanjo	Dbus. Donostiako Tranbia Konpainia S.A. 125 urte.
11	Aguirre, Rafael	Donostia / San Sebastián, 1813-2013 Efemerideak.
12	Sada, Javier	San Sebastián: los puentes de San Sebastian
13	Arsuaga, Miguel	Donostia-San Sebastián: arkitekturako gida.
14	Múgica Herzog, Fernando	Breve crónica de un siglo Donostiarra 1870-1970
15	Aguirre, Rafael	Las sociedades populares

Kanpo estekak

• Datuak: Q20492910