Ander Imaz

Wikipedia, Entziklopedia askea
Jump to navigation Jump to search
Imaz
Izen osoa: Ander Imaz Retegi
Jaiotza data: 1994ko abenduaren 30a (24 urte)
Jaioterria: Oiartzun (Gipuzkoa)
Egungo enpresa: Asegarce
Postua: atzelaria
Altuera: 1,80 m
Pisua: 76 kg
Debutatze data: 2015eko abenduaren 20a
Debutatze pilotalekua: Madalensoro (Oiartzun)

Ander Imaz Retegi,[oh 1] pilota arloan Imaz deituraz ezaguna (Oiartzun, Gipuzkoa, 1994ko abenduaren 30a) esku huskako pilotari profesionala da. Atzelari jokatzen du. 2015eko abenduan bilakatu zen profesional, Asegarcerekin.[1] Jokoari dagokionez, pilotari langilea eta nekaezina da, eta oso ondo mugitzen da jokalekuan.

Asegarceko teknikariek aski izan zuten «hiruzpalau» probaldi egitearekin, Imazek profesionaletara igarotzea merezi zuela erabakitzeko. Hiru hilabete geroago, 2016ko martxoan, Binakako Txapelketa Nagusian sartu zuten, Jon Ander Albisuren ordezko; Iñaki Artola aurrelaria lagun zuela jokatutako partida hartan, ez zuen bere maila eman, hasiberriaren urduritasunak erasanda. 2016ko abenduaren erdialderaino 67 partida jokatu ondoren (urte hartan, pilotari gehienek baino askoz gehiago; enpresak gutxienez 45 partida jokatzeko kontratua egina zion),[2] 2016ko abenduan abiatutako Binakakoan ere ordezko ari da,[3] maila onarekin oraingoan.[4]

Kirol lorpenak[aldatu | aldatu iturburu kodea]

Amateurretan
  • 2015: Biharko Izarrak (Mallabia), txapelduna
  • 2014-2015: GRAVN, txapelduna
  • 2012: Diario Vasco torneoa, txapelduna

Oharrak[aldatu | aldatu iturburu kodea]

  1. Abizena horrela idaztea, euskal herritar horren aukera pertsonala da. Izan ere, Euskaltzaindiak, euskara baturako, Imatz onartu du deitura horren grafiatzat. Ikus Euskal Onomastikaren Datutegia.

Erreferentziak[aldatu | aldatu iturburu kodea]

  1. Asegarce enpresako fitxa
  2. (Gaztelaniaz) Enrique Echavarren: «El mejor Olentzero para Ander Imaz», Diario Vasco, 2016-12-13.
  3. (Gaztelaniaz) I.G. Vico: «Ander Imaz, una vida profesional al galope», Noticias de Gipuzkoa, 2016-12-16.
  4. (Gaztelaniaz) Enrique Echavarren: «Remontada de Urrutikoetxea y Ander Imaz en Bilbao (18-22)», Diario Vasco, 2016-12-16.