Anne Rearick
| Anne Rearick | |
|---|---|
| Bizitza | |
| Jaiotza | Idaho, 1960 (63/64 urte) |
| Herrialdea |  Ameriketako Estatu Batuak |
| Jarduerak | |
| Jarduerak | argazkilaria |
| Jasotako sariak | ikusi
|
| annerearick.com… | |
Anne Rearick (Idaho, AEB, 1960) argazkilari estatubatuarra da.
Biografia
[aldatu | aldatu iturburu kodea]26 urte zituenetik da argazkilaria, eta autodidakta gisa hasi zen. Aldi berean, zinema eta argazkilaritza irakasten ditu Boston inguruko eskola batean, Massachusetts College of Art-en, non bera ere bertan graduatu zen.
Argazkilaritza argentikoa lantzen du, zuri-beltzean eta formatu karratuan, eta berak egiten ditu bere handitzeak. Erretratuak gustuko ditu, baina tonu, ehundura, forma eta argiarekin jolasten argazkiak ateratzea ere gustatzen zaio.
Bere lehen proiektuak bi urte iraun zuen, eta bertan ama ezkongabe baten eta bere alabaren eguneroko bizitzaren argazkia atera zuen.
Bere gaiekin loturak sortzeko denbora hartzea gustatzen zaio, argazkiak egiten dituen herrialdeetan murgiltzea: Hegoafrikako udalerrietan, Ipar Euskal Herrian, Eskoziako landa komunitateetan, Italian, Sète hiriko biztanleak.[1][2][3][4]
Bere lana, sentibera eta humanista, argazkilaritza dokumentala da, Dorothea Langeren tradizioan.
2003an, Guggenheim beka jaso zuen afizionatuen boxeoari buruzko serie baterako. Roger-Pic sariaren eta European Mosaique sariaren irabazlea da (Luxenburgo). Bere argazkiak Frantziako Bibliothèque nationale, Luxenburgoko Centre national de l'audiovisuelen eta San Frantziskoko Arte Modernoko Museoaren nazioarteko bilduma publikoetan daude jasota.[5]
1993tik, Agence Vu-ko kide da, eta Parisko Clémentine de la Féronnière galeriak ordezkatzen du.
Erakusketak
[aldatu | aldatu iturburu kodea]- Chroniques d'un township, 2014, Visa pour l'image argazki-kazetaritza jaialdia, Roger-Pic saria jaso zuen erakusketagatik.[6]
- La France vue d'ici erakusketa kolektiboa, 2017, Sèteko ImageSingulières jaialdia
- Habiter erakusketa kolektiboa, Cergy-Pontoiseko Festival du Regard jaialdia, 2019ko maiatzaren 24tik uztailaren 14ra, EDF dorrea.[5]
- Gure bazterrak, 2024ko iraila-urria, Miarritzeko mediateka
- Gure bazterrak, 2024ko azaroa, Okendo kultur etxea
Argitalpenak
[aldatu | aldatu iturburu kodea]- Anne Rearick (miresicoletea). Bernardo Atxaga, Gabriel Bauret, Christian Caujolle. Atlantika, 2003.ISBN 9782843946479
- Township. Editions Clémentine de La Féronnière, 2016.ISBN 9782954226651
- Sète #17. Argazkiak Anne Rearick, Christian Caujollen testua. Le Bec en l’air-CéTàVoir, 2017.ISBN 9782367441122
- La France vue d'ici, kolektiboa. Editions de La Martinière -ImageSingulières-Médiapart, 2017.ISBN 9782732477725
Erreferentziak
[aldatu | aldatu iturburu kodea]- ↑ Anne Rearick: «Chacun a une histoire qui mérite d’être racontée». 2017-06-04.
- ↑ Barbot, Romain. LA FRANCE VUE D'ICI – Pays Basque. .
- ↑ Barbot, Romain. LA FRANCE VUE D'ICI – Pays Basque #2. .
- ↑ Anne Rearick, saisir la beauté plutôt que la violence... du 29 mai 2016 - France Inter. .
- ↑ a b Festival du regard. .
- ↑ Anne Rearick, croqueuse de townships. 2014-08-22.
