Arbelaitz jauregia

Arbelaitz jauregia
	Kultura ondasuna
	Euskal Herriaren barnealdeko Donejakue bidea; Kostaldeko Donejakue bidea
	Irudi gehiago
Kokapena
Herrialdea	Euskal Herria
Probintzia	Gipuzkoa
Udalerria	Irun
Koordenatuak	43°20′21″N 1°47′18″W / 43.33904°N 1.78821°W
Historia eta erabilera
Eraikuntza	XVI. mendea
Arkitektura
Estiloa	arkitektura barrokoa
Ondarea
BIC	RI-51-0001517
	6

Arbelaitz jauregia Gipuzkoako Irun udalerrian dagoen jauregi bat da.

Irungo familia nabarmenenetakoa zen Arbelaitz familia Espainiako Koroarekin harreman estua izan zuen. XVI. mendearen hasieran eraikia izan zen eta Jose Arbelaitz izan zen eragilea.^[1] 1936ko irailean, Espainiako Gerra Zibilan zehar Irungo herrigunea edo alde zaharra suntsitu zuen suteak jauregia bera ere kaltetu zuen, gerora berreraikia izan zelarik.^[2]

Ezaugarriak

Irungo Arbelaitz jauregiak pribilegiozko kokapena dauka, hiribildutik eta San Joan plazatik hurbil eta Nafarroako bidearen ondoan. Oinplano laukizuzen eta lau uretako teilatua dituen eraikin dotorea da. Hiru solairu eta ongi ezberdinduak dauden bi zatiz osatutako harlanduzko aurrealdea ditu. Bere bi muturretan bi dorre karratu ditu eta gainera bi zutabe doriko dituen atari barrokoa ere badu. Armarria gainean duen bal koi nagusia har tzen du frontoiak. Fatxadaren gainerakoak erdiko honekiko simetrikoak diren lau bao ardatz ditu.^[1]

Garrantzi historiko handiko eraikina da, bertan pertsonaia garrantzitsu askok ostatu hartu baizuten, tartean Henrike II.a Frantziakoa, Katalina Medici, Karlos IV.a Espainiakoa, Katalina Braganzakoa, Filipe V.a Espainiakoa, Karlos X.a Frantziakoa, etab.).^[3]

1964ean Monumentu Historiko-Artistiko Probintziala izendatu zuten.^[3]