Arcángel (abeslaria)

Arcángel (abeslaria)
	; (2023) Irudi gehiago
Bizitza
Jaiotzako izen-deiturak	Austin Agustín Santos
Jaiotza	Ekialdeko Harlem, 1985eko abenduaren 23a (38 urte)
Herrialdea	Ameriketako Estatu Batuak
Talde etnikoa	Stateside Puerto Ricans (en) ; Dominican Americans (en)
Hezkuntza
Hizkuntzak	Puerto Rican Spanish (en) ; estatubatuar ingelesa
Jarduerak
Jarduerak	raperoa, abeslaria eta kantugilea
Kidetza	Arcángel & De la Ghetto (2005-2006 (en)
Izengoitia(k)	Arcángel
Genero artistikoa	Latin trap (en) ; Reggaetona
Musika instrumentua	ahotsa
Diskoetxea	Rimas Entertainment (en)

Arcángel, jaiotzez Austin Agustín Santos (New York, 1985eko abenduaren 23a), Estatu Batuetako reggaeton eta trap abeslari eta konpositorea da^[1].

Biografia[aldatu | aldatu iturburu kodea]

Dominikar Errepublikako gurasoak ditu eta New Yorken jaio bazen ere haurra zela familia Puerto Ricora aldatu zen. San Juan hiriburuko Santurce auzoan hazi zen. Carmen Rosas ama Las Chicas del Can musika taldeko partaidea zen, 1980. hamarkadan ezaguna zen merengue taldea hain zuzen ere^[2].

Gaztetan musika mota asko entzun zituen eta bereziki gustuko zuen rocka. 2000. hamarkadan reggaetonaz zaletu zen Tego Calderón eta Tempo abeslariekin eta Arcángelek ere abeslari izatea erabaki zuen^[2].

2005ean Rafael Castillo "De la Ghetto"-rekin batera Arcángel & De la Ghetto bikotea osatu zuen. Irratiaren eta interneten bidez zabaldu zituzten abestiak eta Puerto Ricon soilik ez, Estatu Batuetan ere ezagun egin ziren. "Ven Pégate", "Traficando", "Sorpresa" eta "Mi Fanática" izan ziren abesti ezagunenak^[3]. Bi urteren buruan banatu egin ziren.

2007an bakarkako bideari ekin zion eta reggaeton disko bildumetan abestiak sartu zituen. 2008an El fenómeno diskoa kaleratu zuen. Abestien artean Don Omar eta Temporekin egindako kolaborazio batzuk zituen^[4].

2013an Sentimiento, elegancia & maldad diskoa kaleratu zuen. 18 abesti zituen eta berriz ere kolaborazio garrantzitsuak, Daddy Yankee, De la Ghetto eta Ñengo Flow besteak beste.

Bost urteko htsunearen ondoren Ares atera zuen eta ondoren ia urtero atera du disko berria.