Artzamendi

Artzamendi
Artzamendi
Datu orokorrak
Garaiera	931 m
Prominentzia	377 m
Mota	mendia
Geografia
Koordenatuak	43°16′59″N 1°24′30″W / 43.2831°N 1.4083°W
Mendikatea	Artzamendiko mendilerroa
Estatu burujabe	Frantzia
Frantziaren banaketa administratiboa	metropolitar Frantzia
Eskualdea	Akitania Berria
Departamendua	Pirinio Atlantikoak
Probintzia	Lapurdi
Mendizaletasuna
Luberri	Luberri

Artzamendi^[1] Itsasuko mendia da. Lapurdiko gailurrik garaiena da, 926 metro, eta bai Nafarroa Behereko (Bidarrai), bai Nafarroa Garaiko mugetatik hurbil dago (Baztan). Errepide bat iristen da kaxkoan dagoen radareraino.^[2]

Mehatseko lepoak (716 m) banantzen du Iguzkimenditik (844 m), tarte horretan hainbat megalito topa daitezkeelarik. Itsusiko Haitzak bi mendi hauen azpialdean daude kokatuta, Aritzakun ibarraren gainean. Artzamendiko tontorrean, antena eta radar sistema bat dago, kupula borobil zuri batekin, hegazkin zibilentzat.

Mondarrain (749 m) mendia Artzamendiren ipar-mendebaldean dago, horien artean Latseako ibar sakona dagoelarik.

Igotzeko abiapuntuak

Laxia auzotik (Itsasu) abiatzen da ohiko bidea oinez gora igotzeko, edo pista batetik Bidarrairako bidean dagoen Mehatseko leporaino autoz edo bizikletaz, eta hortik oinez. Atekagaitz edo Pas de Roland puntu ezaguna abiapuntua markatzeko.

Bidarrai eta Aritzakun ibarra ere abiapuntuak izan daitezke, baita Otsondotik Gorramendirat doan (Itzulegi) pistatik ere.