Ate-matrize programagarri

Alteraren Stratix IV ate-matrize programagarria.

Ate-matrize programagarria edo FPGA (ingelesez: Field-programmable gate array) delakoa, ate-multzo programagarriak dituen zirkuitu integratua da. Hauek hardware deskribapen lengoaien (HDL) bidez konfiguratu ohi dira.

Ate-matrize programagarriak bloke logiko programagarriz osatuta daude. Blokeen arteko interkonexioak konfigura daitezke. Ondorioz, ate logikoak baino zailagoak diren funtzio konbinazionalak lor daitezke. Gainera, FPGA gehienek memoria-elementuak ere badituzte, dela biegonkorrak, edo dela memoria-blokeak.

Teknologiak

Interkonexioak eratzeko erabilitako teknologiaren arabera sailkatzen dira:

• Antifusiblean oinarrituta – Behin bakarrik programa daitezke.
• EPROMean oinarrituta – Behin bakarrik programa daitezke, baina ultramore-izpiekin ezaba daitezke. Zaharkituta.
• EEPROMean oinarrituta – Elektrikoki ezaba daitezke.
• Flash memorian oinarrituta – Ezaba daitezke.
• Fusiblean oinarrituta – Behin bakarrik programa daitezke. Zaharkitutako teknologia.
• PROMean oinarrituta – Behin bakarrik programa daitezke. Zaharkitutako teknologia.
• SRAMean oinarrituta – Memoria estatikoetan oinarrituta. Birprogramagarriak dira.

Sakontzeko irakurgaiak

Ormaetxea, E.; Ibarra, E.; Andreu, J.; Kortabarria, I.; Martínez de Alegría, I.; Planas, E.. «FPGA gailu birkonfiguragarriak: Kontrol-sistema konplexuak inplementatzeko aukera berriak» Ekaia (23): 199-217. 2010 ISSN 0214-9001..

Kanpo estekak

• Datuak: Q190411
• Multimedia: Field-programmable gate arrays