Bakartxo Etxeberria

Bakartxo Etxeberria
	;
Bizitza
Jaiotza	Andoain, 1922ko azaroaren 25a
Herrialdea	Gipuzkoa, Euskal Herria
Heriotza	Donostia eta Andoain, 1978ko azaroaren 20a (55 urte)
Hezkuntza
Hizkuntzak	euskara; gaztelania
Jarduerak
Jarduerak	pilotaria
Pilota
Izengoitia(k)	Echeve

Bakartxo Etxeberria Otaño (Andoain, Gipuzkoa, 1922ko azaroaren 25a – Donostia, Gipuzkoa, 1978ko azaroaren 20a) erraketista profesionala izan zen. Bartzelona, Kordoba, Sevilla eta Madrilgo frontoietan jokatu zuen "Echeve" goitizena erabiliz.

Biografia[aldatu | aldatu iturburu kodea]

Bakartxoren gurasoak Francisco Etxeberria Fernández eta Concepción Otaño Aranguren izan ziren, haren neba-arrebak: Koldobika, Begoña, Agustin eta Joan Mirena Etxeberria Otaño, eta Juan Bautista eta Sabino Etxeberria Lizarribar. Bere argazkia Andoaingo Txitibar tabernan ikus daiteke ^[1]

Aitzindariak[aldatu | aldatu iturburu kodea]

Emakume kirolari antzindariak izan ziren erraketistak. Arrakastaz beteriko hiru edo lau hamarkada bizi izan zituzten. 1940ko eta 1950eko hamarkadak izan ziren erraketisten urrezko aroa. Bartzelonan eta Madrilen zazpina frontoi zeuden orduan. Erraketisten historia, orain arte nahiko isilik egon bada ere, esanguratsua izan zen oso. Hego Euskal Herriko 47 herritako 237 erraketista profesional daude zenbatuta. Zenbaki garrantzitsua da eta gainera, 1940. hamarkadako estatistiken arabera, emakume lizentzia gehiago zeuden gizonenak baino. Garaiko emakume aurreratuak izan ziren, familia eta herria utzi eta lanera alde egin zutenak. Beren ibilbidearen berri, aitzitik, inork gutxik izan du oraintsu arte. Azken urteotan aldiz, hainbat erakusketa eta omenaldi ari dira antolatzen erraketisten jaioterrietan.

Omenaldiak[aldatu | aldatu iturburu kodea]

2018an Andoaingo Bastero kultur etxean erakusketa antolatu zen erraketista izandakoak bistaratzeko eta dokumentala ere erakutsi zen, besteak beste Andoaingo Maria Luisa Rodriguez eta Bakartxo Etxeberria agertzen dira irudietan.^[2]