Balore-burtsa

Artikulu hau salerosketak bideratzen dituen erakundeari buruzkoa da; beste esanahietarako, ikus «Burtsa (argipena)».

Frankfurteko burtsako areto bat. Arbela elektronikoetan baloreen uneko kotizazioak. Lanean dauden batzuk burtsako agenteak edo artekariak dira.

Balore-burtsa baloreen salerosketarako negoziazioak bideratu egiten dituen erakundea da. Baloreak honako hauek izan daitezke: sozietateen akzioak, bonu publikoak eta pribatuak, ziurtagiriak, partaidetza-tituluak, eta abar. Balore-burtsako salerosketetarako, agente guztien artean erabaki eta adostutako prezioak hartzen dira oinarri. Horretarako, balore-burtsak inbertsoreentzako ingurune seguru, garden eta doituta eskaintzen du transakzioak burutzeko. Balore-burtsak kapital-merkatua indartzen du eta garapen ekonomikoa eta finantzarioa bultzatzen du.

Lehenengo erakundeak Anberesen funtzionatu zuen 1531n. Espainian, balore-merkatuaren (edo balore-burtsaren) aurrekari historikoa Bartzelonako lonja izan zen, XIV. mendean; han, salgaiekin eragiketak egiten zituzten merkatariek. Burtsa gisa aitortu zuten lehenengoa Madrilgoa izan zen, 1831n; geroago Bilbokoa, Bartzelonakoa eta Valentziakoa sortu ziren.^{[erreferentzia behar]}

Baloreen Merkatuko legearen 2. eta 3. artikuluen arabera, negoziagarri diren baloreak hauek litzateke:

• Sozietatek jaulkitako akzio edo akzioak lortzeko eskubidea igortzen duten bestelako balore negoziagarri baliokideak.
• Aurrezki kutxen partizipazio kuotak eta Espainiako Aurrezki Kutxen Konfederazioak igorritako partizipazio kuotak.
• Bonuak, obligazioak eta beste balore baliokideak.
• Hipoteka-zedula, hipoteka-bonu eta hipoteka-partizipazioak.
• Titulazio-bonuak.
• Inbertsio kolektiboen partizipazio edo akzioak.
• Merkatu monetariorako tresnak (Altxorraren Letrak, depositu zertifikazioak eta ordaindukoak)
• Partizipazio preferenteak
• Zedula territorialak
• Warrantak
• Bestelako disposizio legal edo arauzkoak balio negoziagarri bezala egotzi daitezkeenak.

Kanpo estekak

• Datuak: Q11691
• Multimedia: Stock exchanges / Q11691