Balore-burtsa

Wikipedia, Entziklopedia askea
Baloreen merkatua» orritik birbideratua)
Jump to navigation Jump to search
Artikulu hau salerosketak bideratzen dituen erakundeari buruzkoa da; beste esanahietarako, ikus «Burtsa (argipena)».

Balore-burtsa baloreen salerosketarako negoziazioak bideratu egiten dituen erakundea da. Baloreak honako hauek izan daitezke: sozietateen akzioak, bonu publikoak eta pribatuak, zertifikatuak, partaidetza-tituluak, eta abar. Balore-burtsako salerosketetarako, agente guztien artean erabaki eta adostutako prezioak hartzen dira oinarri. Horretarako, balore-burtsak inbertsoreentzako ingurune seguru, garden eta erregulatua eskaintzen du transakzioak burutzeko. Balore-burtsak kapital-merkatua indartzen du eta garapen ekonomikoa eta finantzarioa bultzatzen du.

Lehenengo erakundea Anberesen funtzionatu zuen 1531an. Espainian, balore merkatuaren (edo balore burtsaren) aurrekari historikoa Bartzelonako lonja izan zen, XIV. mendean; han, salgaiekin eragiketak egiten zituzten merkatariek. Burtsa gisa aitortu zuten lehenengoa Madrilgoa izan zen, 1831n; geroago Bilbokoa, Bartzelonakoa eta Valentziakoa sortu ziren.[erreferentzia behar]

Baloreen Merkatuko legearen 2. eta 3. artikuluen arabera, negoziagarri diren baloreak hauek litzateke:

  • Sozietatek jaulkitako akzio edo akzioak lortzeko eskubidea igortzen duten bestelako balore negoziagarri baliokideak.
  • Aurrezki kutxen partizipazio kuotak eta Espainiako Aurrezki Kutxen Konfederazioak igorritako partizipazio kuotak.
  • Bonoak, obligazioak eta beste balore baliokideak.
  • Hipoteka-zedula, hipoteka-bono eta hipoteka-partizipazioak.
  • Titulazio bonuak.
  • Inbertsio kolektiboen partizipazio edo akzioak.
  • Merkatu monetariorako tresnak (Altxorraren Letrak, depositu zertifikazioak eta ordaindukoak)
  • Partizipazio preferenteak
  • Zedula territorialak
  • Warrant-ak
  • Bestelako disposizio legal edo arauzkoak balio negoziagarri bezala egotzi daitezkeenak.