Banfora
| Banfora | |
|---|---|
| hiria | |
 | |
| Administrazioa | |
| Estatu burujabe |  Burkina Faso |
| Eskualdea | Cascades |
| Burkina Fasoko probintzia | Comoé probintzia |
| Geografia | |
| Koordenatuak | 10°37′51″N 4°45′32″W / 10.6308°N 4.7589°W |
 | |
| Azalera | 934 km² |
| Altuera | 299 m |
| Demografia | |
| Biztanleria | 117.200 (2019) 20.063 (2013) |
| Dentsitatea | 125,48 bizt/km² |
| Informazio gehigarria | |
| Sorrera | 1903 |
| Ordu eremua | Greenwich Meridianoko Ordua |
| Hiri senidetuak | Chauvigny eta Trino |
Banfora Burkina Fasoko hego-mendebaldeko hiria da, Comoé probintziako hiriburua. 2019ko erroldaren arabera 117.452 biztanle ditu eta herrialdeko seigarren hiri handiena da[1].
Geografia[aldatu | aldatu iturburu kodea]
Burkina Fasoren hego-mendebaldean kokaturik dago, Cascades ("Ur-jauziak") eskualdean, izan ere Karfiguélako ur-jauziak baitaude alboan. Tengrela aintzira ere aipatzekoa da, hipopotamoak bizi baitira bertan.
Abidjan (Boli Kosta) eta Uagadugu (Burkina Fasoko hiriburua) lotzen dituen trenbidean kokaturik dago[2].
Historia[aldatu | aldatu iturburu kodea]
Karaboro herria izan zen eskualdea populatu zuen lehen leinua. Ondoren Gouin eta Turka herriak etorri ziren eta gaur egun hiru hauek dira Banforako biztanleria (eta Burkina Faso hegoaldekoa) osatzen duten leinuak.
1903an frantziar armada kolonizatzailea iritsi zen eta postu militar bat ezarri zuen bertan, berehala administrazio puntua bihurtu zena[3]. 1905ean errepidea eraiki zen eta 1931ean trenbidea.
Ekonomia[aldatu | aldatu iturburu kodea]
Banfora azukre kainabera industriaren baitan hazi den hiria da. Gaur egun turismoak ere garrantzia hartu zu Karfiguélako ur-jauziak eta Tengrela aintzira dela eta[4].
Erreferentziak[aldatu | aldatu iturburu kodea]
- ↑ «Burkina Faso: Regions, Cities & Localities - Population Statistics, Maps, Charts, Weather and Web Information» www.citypopulation.de (Noiz kontsultatua: 2024-07-17).
- ↑ (Frantsesez) «Chemin de fer Abidjan – Ouagadougou : “SITARAIL a préservé l'activité ferroviaire”» Banfora.org- Amitiés Saintonge Banfora 2022-02-25 (Noiz kontsultatua: 2024-07-17).
- ↑ (Ingelesez) School, Africa EENI Global Business. «Business in Banfora (Cascades, Burkina Faso)» Africa EENI Global Business School (Noiz kontsultatua: 2024-07-17).
- ↑ «Beautiful Burkina Faso: Cascades de Karfiguéla, Banfora | Adventures of Tin» web.archive.org 2014-06-28 (Noiz kontsultatua: 2024-07-17).
