Baso-eguerdilili
| Baso-eguerdilili | |
|---|---|
 | |
| Sailkapen zientifikoa | |
| Erreinua | Plantae |
| Ordena | Ranunculales |
| Familia | Ranunculaceae |
| Generoa | Anemone |
| Espeziea | Anemone nemorosa |
Baso-eguerdililia edo baso-anemona (Anemone nemorosa) Anemone generoko landare loreduna da, Europan jatorria duena. Eguerdilili hau toxikoa da eta herri sendagintzan aprobetxatu dute.
Deskribapena[aldatu | aldatu iturburu kodea]
Landare bizikor belarkara da. Errizoma bidez zabaltzen da eta baldintza egokiak direnean baso azpiko zoruaren zati handi bat hartzen du. Errizoma horretatik 5-15 cmko altuera hartzen duten zurtoinak ateratzen ditu. Hostoak palmatuak dira, zurtoinaren erdialdean hazten dira eta hirutan zatiturik daude. Zati bakoitzak aldi berean hiru lobulu ditu[1].
Lore zuri biziak ditu, 2 cm-ko diametroa dutenak, eta bost zazpi petalo izaten dituzte. Ez dute usainik eta nektarra ere gutxi dute, ugaltzeko intsektuen behar handirik ez baitute. Udaberrian izaten da loraldia[2].
Fruitua akenio bat da.
Habitata[aldatu | aldatu iturburu kodea]
Baso itzaltsuetan aurkitzen da. Zabalkunde geldoa duenez basoen adina zehazteko indikatzaile gisa erabili izan da.
Erabilera[aldatu | aldatu iturburu kodea]
Izatez toxikoa da. Anemonina eta protoanemonina printzipio aktiboak ditu eta sendabelar gisa erabili izan da, azaleko eritasunak, bakterio infekzioak, eztula eta erreuma tratatzeko.
Iruditegia[aldatu | aldatu iturburu kodea]
-
Landarea. -
Lorea. -
Hostoak. -
Fruitua.
.jpg)
.jpg)
Erreferentziak[aldatu | aldatu iturburu kodea]
- ↑ Stace, C. A.. (2010). New Flora of the British Isles (3. edizioa). Cambridge, U.K.: Cambridge University Press, 88 or. ISBN 978-0-521-70772-5..
- ↑ Clapham AR, Tutin TG, Warburg EF. (1981). Excursion Flora of the British Isles (3. edizioa). Cambridge University Press ISBN 0-521-23290-2..
Kanpo estekak[aldatu | aldatu iturburu kodea]
| Autoritate kontrola |
|
|---|
Datuak: Q161056
Multimedia: Anemone nemorosa / Q161056