Bdellovibrio

Bdellovibrio
	Irudi gehiago
Sailkapen zientifikoa
Erreinua	Pseudomonadati
Filuma	Pseudomonadota
Klasea	Oligoflexia
Ordena	Bdellovibrionales
Familia	Pseudobdellovibrionaceae
Generoa	Bdellovibrio; [[\|]]
Datu orokorrak
Gram tindaketa	bakterio gram-negatibo

Bdellovibrio generoa bakterio Gram negatiboz osatua dago, bibrioiaren itxura dutenak (hortik izena). Bakterio txikiak dira (0,3 µm luze/ 0,8 µm zabal) eta flagelo bakarra dute, oso luzea. Flagelo horrek berebiziko abiadura ematen dio bakterioari, gai izanik segundo batean bere gorputzaren luzera bider 100 aldiz korritzeko.

Aerobio hertsia da eta ez du esporarik sortzen. Lur-zoruan eta ur-ingurumenetan bizi da (ur gazitan zein gezatan).

Beste bakterioen aldean Bdellovibriok berezko ezaugarria du: bakterioen bizkarroi hertsia da. Hots, bakterio honek beste bakterio batzuk (Gram negatiboak, batez ere) hil eta jaten ditu, bakterio horien zitoplasmako osagaiez elikatzen baita. "Bdello" hitzak, hain zuzen ere, "izaina" esan nahi du latinez. Bakteriofagoen antzera, Bdellovibrio guztiek beste bakterio batzuk infektatzen dituzte, haien barnean haziz eta haien lisia eraginez.

Bakterioak erasotzeko, Bdellovibriok abiadura handiz talka egiten du bere bakterio-harrapakinekin, flageloa dagoen beste aldeko muturretik. Entzima hidrolitikoren bat askatuz zelula horma suntsitzen du, nonbait, eta hormaren eta mintzaren artean dagoen tartean (tarte periplasmikoan) ugaltzen da. Bibrioi berriak askatuz eta parasitatutako bakterioa lisatuz bukatzen da Bdellovibrioaren garapen-zikloa.

Bdellovibrio bacteriovorus da genero honetako espezie ezagunena.