Horseshoe ogitartekoa

Horseshoe Illinoiseko Springfield hirian sortutako ogitarte irekia da. Behealdean ogi txigortua du (texas motakoa normalean), eta horren gainean hanburgesa, patata frijituak eta gazta saltsa jartzen dira. Nahiz eta hanburgesa ohikoena eta jatorrizkoa izan, urdaiazpiko egosia, txerri-solomo birrineztatua, oilasko-bularkia edota arrain frijituarekin ordezkatu daiteke.

Ingelesez horseshoe hitzak ferra esan nahi du.

Gosaltzeko horseshoea, haragia eta patata-frijituak beharrean, arrautza eta hash brownsekin egiten da.

Anoak txikiagoak direnean, adibidez, ogi-xerra bakarra eta hanburgesa bakarra dagoenean, "pony shoe" deitzen zaio ogitartekoari, "ponia" (ingelesez pony) zaldi txiki bat baita.