Hanburgesa

Wikipedia(e)tik
Hona jo: nabigazioa, Bilatu
Osagai guztiekin osatutako hanburgesa; ogiak ez du sesamo hazirik.

Hanburgesa ogitarteko itxura duen elikagai prozesatua da. Xehatutako haragia da osagai nagusia, frijituta edota barbakoa eran egindako xerra modukoa. Zirkulu-erdi itxurako opilen artean jartzen da haragi xerra, eta tipula eraztunak, letxuga orriak, tomate xerra edota pepinoa bezalako osagaiak ere gehitzen zaizkio. Maiz, saltsaren bat ere gehitzen zaio, dela ketchup, ziapea edota maionesa. Era berean, oso ohikoa da gazta geruza bat ere jartzea. Azken hau cheeseburger bezala izendatzen da.

Hanburgesa XIX eta XX. mende bitartean sortutako jakia da, baina ez dago zehatz esaterik zein den bere asmatzailea. Honek hainbat zeresan sortu ditu, eta askok norbere asmakizuntzat hartzen dute ogitartekoa. Dena dela, XX. mendean asko garatu da hanburgesa, eta, egun, fast food kontzeptuari hertsiki lotuta dago. AEBtako sukaldaritzaren ikonoetako bat da. Hanburgesa hogeiko hamarkadan hasi zen fast food kontzeptuaren baitan sartzen, White Castle etxeak kaleratu baitzuen (Edgar Waldo “Billy” Ingram izan zen asmatzailea) lehendabizikoz. Berrogeiko hamarkadan McDonald's eta Burger King enpresek berebiziko bultzada eman zioten hanburgesari, betiere fast food kontzeptuari lotuta.

Commonsen badira fitxategi gehiago, gai hau dutenak: Hanburgesa Aldatu lotura Wikidatan