Tesis (filma)

Tesis (euskaraz Tesia) 1996ko Alejandro Amenábar txiletar-espainiar zinema zuzendariaren lehenbiziko luzemetraia izan zen. Bertan, Ana Torrent, Fele Martínez eta Eduardo Noriega aktoreek antzeztu zuten.

Filmak kritika eta ikusleekiko arrakasta nabarmena izan zuen, espainiar zinema zuzendarien belaunaldi berri baten garaiaren hastapena mugarri izan zelarik. Hainbat sari lortu zituen, tartean filma, gidoi eta zuzendari berri onenaren Goya Sariak, aurretik zortzi Goya Sarietarako izendapena jaso zuelarik.

Filmaren fakultateko eszenak Madrilgo Complutense Unibertsitatean abuztuan filmatu ziren, ikasle eta irakazleen oporraldian eraikina hutsa baitzegoen.

Argumentua

Madril. Ángelak (Ana Torrent) ikusentzuneko bortizkeriari buruzko tesi doktoral bat prestatzen ari den unibertsitateko ikasle bat da. Haren tesia zuzentzen ari den irakasleak unibertsitate horretako bideotekan ezustean filma bat topatu eta biharamunean hilik agertzen da.

Ángela eta bere fakultateko ikaskidea den Chemak (Fele Martínez) filma topatu eta heurekin batera eramatea erabakitzen dute, hura ikustean neska bat torturatua eta eraila agertzen den 'snuff-movie bat dela ohartzen direlarik. Haientzako berria, ezberdina eta oso arriskutsua den ikusentzunezko mundua. Ángela bera hurrengo snuff-movie filmaren protagonista izan daitela jabetzen da.

Aktoreak

• Ana Torrent: Ángela Márquez.
• Fele Martínez: Chema.
• Eduardo Noriega: Bosco Herranz.
• Xabier Elorriaga: Jorge Castro.
• Miguel Picazo: Figueroa.
• Nieves Herranz: Sena Márquez.
• Rosa Campillo: Yolanda.
• Francisco Hernández: Ángelaren aita.
• Rosa Ávila: Ángelaren ama.
• Teresa Castanedo: TBko aurkezlea.
• José Miguel Caballero: Bideotekako atezaina.
• Joserra Cadiñanos: Zaindaria.
• Julio Vélez: Treneko arduraduna.
• Pilar Ortega: Salmenta arduraduna.
• Olga Margallo: Vanessa Romero.
• José Luis Cuerda: 1. irakaslea.
• Emiliano Otegui: 2. irakaslea.
• Walter Prieto: Treneko zaindaria.
• Florentino Sainz: Agurea.

Kanpo loturak

• Tesis filmaren IMDBko fitxa irakurgai (Ingelesez)