Camila de Castro

Camila de Castro
Bizitza
Jaiotza	São Paulo, 1979ko apirilaren 20a
Herrialdea	Brasil
Heriotza	São Paulo, 2005eko uztailaren 26a (26 urte)
Heriotza modua	suizidioa
Hezkuntza
Hizkuntzak	portugesa
Jarduerak
Jarduerak	aktore pornoa eta modeloa

Camila de Castro (Santo André, São Paulo, Brasil, 1979ko apirilaren 20a - São Paulo, São Paulo, Brasil, 2005eko uztailaren 27a), Alessandro Caetano Kothenborger jaiotza-izenaz, brasildar aktore pornografiko eta modelo transexuala zen. Genero, prostituzio eta arrazarekiko aurreiritziak gaindituz, ospetsu bilakatu zen Brasilen. Izan ere, RedeTV! telebista-kateko Superpop saioan Camila Quer Casar izeneko lehiaketako protagonista izan zen hilabete batzuez, bere heriotzera arte.

Biografia[aldatu | aldatu iturburu kodea]

Santo Andrén sortua, gizon jaio bazen ere, bere burua emakumetzat zeukan. Emakume transexual eta trabesti asko bezala, prostituzioaren munduan hasi zen lanean. Handik gutxira, 2000. urtean, bere edertasuna zela eta, film pornografikoak egiteko kontratatzen hasi ziren.^[1]

2004an RedeTV! telebista-kateko Superpop saioko ekoizleekin hitz egin zuen eta maitasuna aurkitzeko reality showan parte hartzeko gonbita jaso zuen. Bertan, Camilak aukeratu behar zuen zein hautagairekin ezkondu nahi zuen. Reality showa grabatze-fasean ziharduen, Camila 2005eko uztailaren 27an hil zenean. Ustez bere buruaz beste egin zuen São Pauloko erdiguneko eraikin bateko zazpigarren solairutik jauziz.^[1]^[2]