Berliner Zeitung

Berliner Zeitung
Mota	informazio orokorra
Fitxa teknikoa
Lehen zenbakia	1945
Hizkuntza	alemana
Argitaratze lekua	Berlin
Argitaletxea	Berliner Verlag GmbH
Banaketa
Banatze-eremua	Alemania
Maiztasuna	egunero astelehentik larunbatera; (igande eta jai egunak ez ezik)
Historia
Ideologia	Zentro-ezkerra
Zuzendaria	Brigitte Fehrle
Editore-burua	Philippe Debionne (en)
Erredaktoreak	Michael Maier
Identifikadoreak
ISSN	0947-174X, 0323-5793 eta 1437-9465
	berliner-zeitung.de

Berliner Zeitung (BLZ, "Berlindar Egunkaria") Alemaniako egunkaria da. Egoitza Berlinen du. 1945ean sortu zen, Ekialdeko Alemanian. Behin harresia eta Alemaniako Errepublika Demokratikoa erorita, egunkaria kaleratzen jarraitu da. Argitaratzailea Berliner Verlag da eta egoitza Haus des Berliner Verlagesen eraikinan dago. Ideologikoki zentro-ezkerrean kokatzen da.

Historia

Berliner Zeitung lehenengo aldiz 1945eko maiatzaren 21ean plazaratu zen, Sobietarrek okupatutako Berlin aldean.^[1] Lehen erredakzio burua Alexander Kirsanow izan zen, koronel sobietarra. Baina hilabete gutxi batzuk izan ziren, berehala Rudolf Herrnstadt alemanaren eskuetan gelditu baitzen. 1949an Alemaniako Errepublika Demokratikoa aldarrikatu zen eta orduan egunkaria Alemaniako Alderdi Sozialista Batuaren eskuetara pasa zen.

1989an, Berlingo harresiaren erorketarekin, Gruner + Jahrrek eta Robert Maxwell argitaletxeak Berliner Zeitung eta Berliner Kurier erosi zituen. Azkenean, Gruner + Jahr jabe bakarra gisa gelditu zen eta 1997an egunkaria erabat berritu zuten. Helburu aitortua Alemaniako Washington Post antzekoa izatea zen. Gaur egun Alemaniako bi aldeetako kazetariak biltzen ditu eta egunkaria berritzailea izaten saiatzen ari da.^[2] Izan duen arrakastaren ondorioz, egun, estatu mailan nabarmentasuna izatea lortu duen Ekialdeko Alemaniako egunkari bakarra da. 2003an Berliner Zeitung Berlingo harpidetza gehien zuen egunkaria izan zen; asteroko edizioaren 207.800 ale saltzen ziren, 468.000 irakuleekin.

Zuzendariak

1945eko maiatza–ekaina	Alexander Kirsanow
1945–1949	Rudolf Herrnstadt
1949ko maiatza-uztaila	Gerhard Kegel
1949ko uztaila-iraila	Georg Stibi
1949–1955	Günther Kertzscher
1955–1957	Erich Henschke
1957–1961	Theo Grandy
1961–1965	Joachim Herrmann
1965–1972	Rolf Lehnert
1972–1989	Dieter Kerschek
1989–1996	Hans Eggert
1996–1998	Michael Maier
1999–2001	Martin E. Süskind
2002–2006	Uwe Vorkötter
2006–2009	Josef Depenbrock
2009–2012	Uwe Vorkötter
2012-Gaur egun	Brigitte Fehrle

Erreferentziak

Kanpo estekak

(Alemanez):Webgune ofiziala.

Datuak: Q10185
Multimedia: Berliner Zeitung / Q10185

[1] ttps://web.archive.org/web/20160308035552/https://www.questia.com/read/34690120/stalin-s-drive-to-the-west-1938-1945-the-origins

[2] ttps://www.spiegel.de/international/germany/east-german-newspapers-digitized-and-posted-online-a-908216.html

[1]

[2]