Bibi Jawindiren hilobia

Bibi Jawindiren hilobia
	Tomb of Bibi Jawindi, Baha'al-Halim and Ustead and the Tomb and Mosque of Jalaluddin Bukhari
	Irudi gehiago
Kokapena
Estatu burujabe	Pakistan
Province of Pakistan	Punjab
Division of Pakistan	Bahawalpur Division
District of Pakistan	Bahawalpur District
Tehsil of Punjab, Pakistan	Ahmadpur East Tehsil
Herri	Uch
Koordenatuak	29°14′27″N 71°03′09″E / 29.24092°N 71.0525°E
Arkitektura
Estiloa	Islamiar arkitektura

Bibi Jawindiren hilobia (urduz: مقبرہ بی بی جیوندی‎‎) XV. mendeko santutegia, 1493an Irango Dilshad printzearen aginduz eraikia Bibi Jawindirenentzat. Bibi santu sufi ospetsu baten birbiloba zen, Jahaniyan Jahangasht-ena alegia. Monumentua Bahawalpr estatuan dago, Pakistango Punjab probintzian.

Lekua Uch hiri historikoaren hego-mendebaldean dago. Uch Alexandro Handiak sortu zuen Bahawalpr estatuan. Uch, egun Uch Sharif bezala ezaguna, ospetsua da bertan dauden monumentu eta santutegi ugariengatik.^[1]

Arkitektura[aldatu | aldatu iturburu kodea]

Uch hiriaren monumentu garrantzitsuenetariko bat da hilobi hau eta, ondorioz, turismoa erakartzeko gunea. Eraikuntza planta oktogonala du eta hiru atal eskalonatuak ditu; azkenaren gainean kupula heltzen da. Barrualdea zirkularra da. Bai kanpotik bai barrutik motibo ugariekin hornituta dago, besteak beste, idazkera islamikoak, zur landua, faiantza izeneko azuleju zuriak eta urdinak... Jatorriz zortzi dorre konikoak zituen, bat izkin banan, baina gaur egun lau besterik ez dira gelditzen. Ingurua, kanal sare bati esker, begetazioaz apainduta dago.

Monumentuaren egoera[aldatu | aldatu iturburu kodea]

Hilobiak eraso ugari jasan ditu batez ingurumenaren eta 1817an gertatutako uholdeen ondorioz; urte horretan urek eraikuntzaren erdia eraman zuten. Egun eraikuntzaren erdiak darraio zutik. Hezetasunak, gatzen infiltrazioak eta erosioak monumentua jarraitzen dute kaltetzen. Azkenik, eraikuntzaren jarraipena ziurtatzeko egin diren lan batzuk kaltegarriak gertatu izan dira. Monumentuen Munduko Funtsak hiru alditan nazioarteko iritzi publikoaren aurrean kanpainak egin ditu atentzioa eta diru-laguntzak erakartzeko.^[2]^[3]

Gizateriaren Ondarerako proposamena[aldatu | aldatu iturburu kodea]

2004an urtean, Pakistango Arkeologia eta Museoen Departamenduak hilobi hau zonaldeko beste lau monumentuekin batera, «Tomb of Bibi Jawindi, Baha'al-Halim and Ustead and the Tomb and Mosque of Jalaluddin Bukhari» izenburupean, Gizateriaren Ondarean sartzeko proposamena egin zuen. Beste lau monumentuak hauexek dira: Baha'al-Halim-en hilobia, Ustead arkitektoaren hilobia, Jalaluddin Bukhari-ren hilobia eta Jalaluddin Bukhari-ren mezkita. Lekua kategoria kulturalean egokitu zen zeren eta II, IV, eta VI irizpideak betetzen baititu. Lekua oraindik orain zerrenda probisionalean dago.^[2]