Birika-abzesuabiriketakoparenkima da, beste edozein ehun bezala, nekrotizatu egin daiteke eta nekrosi horrek prozesuraren ondorio gisa zorne-kolekzio edo multzo bat eman dezake. Zorne-zorro horrek, zornea bera drainatu ahal izateko, bide bat zabalduko du bronkioetara eta, hustutakoan, zulo edo kabitate bat -bere pareta edo horma propioa eta guzti- utziko du. Horrelako prozesu bat ikusten dugunean biriketako abzesu baten aurrean gaudela esan genezake. Hala ere, biriketako abzesuak beste bi baldintza ere bete behar ditu, bata bere diametroak 2 cm baino gehiago izatea eta bestea zulo edo kabitate bakarra izatea, ezen zuloak edo nekrosi-fokuak txikiagoak eta asko direnean pneumonia nekrotizatzaile baten aurrean gaudela esaten baita.[1] Birika-abzesua iraupenean edo etologian oinarrituta sailka daiteke: birika-abzesu akutua 6 aste baino gutxiagokoa denean edo kronikoa denbora luzeagoarekin. Patogeno eragileengatik ere bereiz daiteke, Staphylococcus anaerobioak edo Aspergillus kasu.[2]
Datuak: Q1877550
Multimedia: Lung abscess / Q1877550